5000 നോട്ടുബുക്ക്​ വിതരണം ചെയ്ത്​ വ്യാപാരികൾ

കറുകച്ചാൽ: മർച്ചന്‍റ്​സ് അസോസിയേഷൻ കറുകച്ചാൽ യൂനിറ്റ്​ നേതൃത്വത്തിൽ പ്രദേശത്തെ വിവിധ സ്‌കൂളുകളിലെ വിദ്യാർഥികൾക്കായി 5000 നോട്ടുബുക്കുകൾ വിതരണം ചെയ്തു. കറുകച്ചാൽ, നെടുംകുന്നം, വാകത്താനം പഞ്ചായത്തുകളിലെ 18 സ്‌കൂളിലെ വിദ്യാർഥികൾക്കാണ് ബുക്കുകൾ നൽകിയത്​. കറുകച്ചാൽ പഞ്ചായത്ത് പ്രസിഡന്‍റ്​ ശ്രീജിഷ കിരൺ, നെടുംകുന്നം പഞ്ചായത്ത് പ്രസിഡന്‍റ്​ ബീനാ നൗഷാദ് എന്നിവർ ചേർന്ന് പരിപാടി ഉദ്ഘാടനം ചെയ്തു. അസോസിയേഷൻ പ്രസിഡന്‍റ്​ കെ.എം. രാജേന്ദ്രൻ നായർ അധ്യക്ഷത വഹിച്ചു. പൊതുവിജ്ഞാനരംഗത്ത് ശ്രദ്ധേയയായ നാലുവയസ്സുകാരി സർഗ ബിജോയിയെ യോഗത്തിൽ ആദരിച്ചു. പഞ്ചായത്ത് വൈസ് പ്രസിഡന്‍റുമാരായ രവി സോമൻ, സജി നീലത്തുംമുക്കിൽ, രക്ഷാധികാരി പി.എച്ച്. ഇസ്മായിൽ, സെക്രട്ടറി ബിന്നറ്റ് തോമസ് തുടങ്ങിയവർ സംസാരിച്ചു. ------ പടം: കറുകച്ചാൽ മർച്ചന്‍റ്​സ്​ അസോസിയേഷന്‍റെ പഠനോപകരണ വിതരണം പഞ്ചായത്ത് പ്രസിഡന്‍റുമാരായ ശ്രീജിഷ കിരൺ, ബീനാ നൗഷാദ് എന്നിവർ ചേർന്ന് ഉദ്ഘാടനം ചെയ്യുന്നു