കോ​ട്ട​യം ജില്ലയിൽ 28 ബ്ലാക്ക് സ്‌പോട്ട്​ ; പരിശോധനയിൽ 71 പേർ കുടുങ്ങി

കോ​ട്ട​യം: ജി​ല്ല​യി​ലെ ബ്ലാ​ക്ക് സ്‌​പോ​ട്ടു​ക​ൾ കേ​ന്ദ്രീ​ക​രി​ച്ച്​ പൊ​ലീ​സും മോ​ട്ടോ​ർ വാ​ഹ​ന വ​കു​പ്പും ന​ട​ത്തി​യ പ​രി​ശോ​ധ​ന​യി​ൽ ആ​ദ്യ ദി​ന​ത്തി​ൽ കു​ടു​ങ്ങി​യ​ത്​ 71 പേ​ർ. വി​വി​ധ നി​യ​മ​ലം​ഘ​ന​ങ്ങ​ളി​ൽ ഇ​വ​രി​ൽ​നി​ന്നാ​യി 2.50 ല​ക്ഷം രൂ​പ പി​ഴ​യും ഈ​ടാ​ക്കി.

പ​രി​ശോ​ധ​ന​ക്ക്​ തു​ട​ക്ക​മി​ട്ട ചൊ​വ്വാ​ഴ്ച കോ​ടി​മ​ത മു​ത​ൽ മ​ണ​ർ​കാ​ട് വ​രെ​യാ​ണ് പ​രി​ശോ​ധ​ന ന​ട​ത്തി​യ​ത്. ബു​ധ​നാ​ഴ്ച ച​ങ്ങ​നാ​ശ്ശേ​രി-​ക​റു​ക​ച്ചാ​ൽ പാ​ത​യി​ലാ​ണ് പ​രി​ശോ​ധ​ന ന​ട​ത്തി​യ​ത്.

സം​സ്ഥാ​ന​ത്ത് റോ​ഡ​പ​ക​ട​ങ്ങ​ൾ വ​ർ​ധി​ക്കു​ന്ന സാ​ഹ​ച​ര്യ​ത്തി​ലാ​ണ്​ ജി​ല്ല​യി​ലും പ​രി​ശോ​ധ​ന​ക്ക്​ തു​ട​ക്ക​മി​ട്ട​ത്. നി​യ​മ​ലം​ഘ​ക​രെ പി​ടി​കൂ​ടാ​ൻ പൊ​ലീ​സും മോ​ട്ടോ​ർ വാ​ഹ​ന വ​കു​പ്പും സം​യു​ക്ത പ​രി​ശോ​ധ​ന​യാ​ണ് ന​ട​ത്തു​ന്ന​ത്. ജ​നു​വ​രി 16 വ​രെ തു​ട​രു​ന്ന പ​രി​ശോ​ധ​ന​യു​ടെ ഭാ​ഗ​മാ​യി എ​ല്ലാ ദി​വ​സ​വും പൊ​ലീ​സി​ന്‍റെ​യും മോ​ട്ടോ​ർ വാ​ഹ​ന വ​കു​പ്പി​ന്‍റെ​യും വാ​ഹ​ന​ങ്ങ​ൾ എ​ട്ട്​ മ​ണി​ക്കൂ​ർ വ​രെ പാ​ത​ക​ളി​ൽ നി​രീ​ക്ഷ​ണ​ത്തി​ലു​ണ്ടാ​കും.

ജി​ല്ല​യി​ൽ 28 ബ്ലാ​ക്ക് സ്‌​പോ​ട്ടു​ക​ൾ ഉ​ണ്ടെ​ന്ന്​ നേ​ര​ത്തേ മോ​ട്ടോ​ർ വാ​ഹ​ന വ​കു​പ്പ്​ ക​ണ്ടെ​ത്തി​യി​രു​ന്നു. ദേ​ശീ​യ പാ​ത​യി​ൽ ഏ​ഴും സം​സ്ഥാ​ന പാ​ത​യി​ൽ 21മാ​ണ്​ ക​ടു​ത്ത അ​പ​ക​ട​മേ​ഖ​ല​ക​ൾ. അ​പ​ക​ട​സാ​ധ്യ​ത കൂ​ടി​യ ഈ ​മേ​ഖ​ല​ക​ൾ കേ​ന്ദ്രീ​ക​രി​ച്ചാ​ണ്​ പ്ര​ധാ​ന​മാ​യും നി​രീ​ക്ഷ​ണം. ആ​ദ്യ​ഘ​ട്ട​ത്തി​ൽ അ​മി​ത​വേ​ഗം, മ​ദ്യ​പി​ച്ച് വാ​ഹ​ന​മോ​ടി​ക്ക​ൽ, ഹെ​ൽ​മ​റ്റ് ധ​രി​ക്കാ​തെ വാ​ഹ​ന​മോ​ടി​ക്ക​ൽ, സീ​റ്റ്‌​ബെ​ൽ​റ്റ് ധ​രി​ക്കാ​തെ വാ​ഹ​ന​മോ​ടി​ക്ക​ൽ, അ​മി​ത​ഭാ​രം ക​യ​റ്റി സ​ർ​വി​സ് ന​ട​ത്തു​ക. എ​ന്നി​വ​യാ​ണ് പ​രി​ശോ​ധി​ക്കു​ന്ന​ത്.

ക​ടു​ത്ത പി​ഴ ചു​മ​ത്തു​ന്ന​ത് ഉ​ൾ​പ്പെ​ടെ​യു​ള്ള ന​ട​പ​ടി​ക​ളു​മു​ണ്ട്. ശി​ക്ഷാ​ന​ട​പ​ടി​ക​ളെ​ക്കാ​ൾ ബോ​ധ​വ​ത്ക​ര​ണ​വും അ​പ​ക​ട​സാ​ധ്യ​ത കു​റ​ക്കാ​നു​ള്ള നി​ർ​ദേ​ശ​ങ്ങ​ളു​മാ​ണ്​ ന​ൽ​കു​ന്ന​തെ​ന്ന്​ ജി​ല്ല എ​ൻ​ഫോ​ഴ്​​സ്​​മെ​ന്‍റ്​ വി​ഭാ​ഗം പ​റ​ഞ്ഞു. എ​ന്നാ​ൽ, മ​ദ്യ​പി​ച്ച് വാ​ഹ​ന​മോ​ടി​ക്കു​ന്ന​വ​രു​ടെ ലൈ​സ​ൻ​സ് സ​സ്‌​പെ​ൻ​ഡ് ചെ​യ്യും. മു​ൻ​കാ​ല ച​രി​ത്രം പ​രി​ശോ​ധി​ച്ച് കൂ​ടു​ത​ൽ ത​വ​ണ പി​ടി​പ്പി​ക്ക​പ്പെ​ട്ടി​ട്ടു​ണ്ടെ​ങ്കി​ൽ ലൈ​സ​ൻ​സ് റ​ദ്ദാ​ക്കു​ന്ന ന​ട​പ​ടി സ്വീ​ക​രി​ക്കു​മെ​ന്നും അ​ധി​കൃ​ത​ർ പ​റ​ഞ്ഞു.

ദീ​ർ​ഘ​ദൂ​ര യാ​ത്ര​ക്കാ​ർ​ക്ക് വേ​ണ്ട നി​ർ​ദേ​ശ​ങ്ങ​ൾ ന​ൽ​കു​ന്ന​തി​നൊ​പ്പം എ​ത്ര​മ​ണി​ക്കൂ​ർ ഡ്രൈ​വ് ചെ​യ്‌​തെ​ന്ന്​ അ​ന്വേ​ഷി​ക്കു​ന്നു​മു​ണ്ട്. ബ​സു​ക​ളു​ടെ മ​ത്സ​ര​യോ​ട്ടം ത​ട​യാ​ൻ പ്ര​ത്യേ​ക പ​രി​ശോ​ധ​ന​യും ന​ട​ത്തു​ന്നു​ണ്ട്. ഇ​തി​ന്‍റെ ഭാ​ഗ​മാ​യി ബ​സ് സ്റ്റാ​ൻ​ഡു​ക​ളി​ൽ പ​രി​ശോ​ധ​ന​യും ബോ​ധ​വ​ത്​​ക​ര​ണ​വും ന​ട​ത്തു​ന്നു​ണ്ട്. ശ​ബ​രി​മ​ല ജോ​ലി​ക്കാ​യി ഉ​ദ്യോ​ഗ​സ്ഥ​രെ നി​യ​മി​ച്ച​തി​നാ​ൽ പ​രി​ശോ​ധ​ന​ക്ക്​ ഉ​ദ്യോ​ഗ​സ്ഥ​രു​ടെ കു​റ​വും​ അ​നു​ഭ​വ​പ്പെ​ടു​ന്നു​ണ്ട്.