100 ഹെക്ടർ തരിശുഭൂമിയിൽ കൃഷി ലക്ഷ്യംവെച്ച് വാഴപ്പള്ളി ഗ്രാമപഞ്ചായത്ത് ബജറ്റ്

ചങ്ങനാശ്ശേരി: കാർഷികമേഖലക്ക് പ്രാധാന്യം നൽകുന്ന ബജറ്റ് വാഴപ്പള്ളി ഗ്രാമപഞ്ചായത്തിൽ അവതരിപ്പിച്ചു​. വരവ് 27.56 രൂപയും 23.26 രൂപ ചെലവും 4.29 കോടി നീക്കിയിരിപ്പും പ്രതീക്ഷിക്കുന്ന ബജറ്റ് വൈസ് പ്രസിഡന്‍റ്​ ബിനു മൂലയിൽ അവതരിപ്പിച്ചു. പ്രസിഡന്‍റ്​ സോഫി ലാലിച്ചൻ സെക്രട്ടറി വി.ബാബു എന്നിവർ സംസാരിച്ചു. 100 ഹെക്ടർ തരിശുഭൂമിയിൽ നെൽകൃഷി അല്ലെങ്കിൽ വാഴകൃഷി, വികസനത്തിന്​ 50 ലക്ഷം രൂപ ബജറ്റിൽ വകയിരുത്തിയിട്ടുണ്ട്. വനിതകൾക്ക് സ്വയംതൊഴിൽ സംരംഭത്തിന്​ ഇലക്​ട്രിക് സ്കൂട്ടർ പദ്ധതിക്ക് അഞ്ചുലക്ഷം രൂപ ബജറ്റിൽ വകയിരുത്തി. ഗ്രാമപഞ്ചായത്തിലെ എല്ലാ വിഭാഗം ജനങ്ങൾക്കും ഭവനം എന്ന സ്വപ്നം സാക്ഷാത്കരിക്കുന്നതിന്‍റെ ഭാഗമായി ഭൂരഹിതർക്ക് വസ്തു വാങ്ങി ഭവനനിർമാണത്തിന്​ ആദ്യഘട്ടം 50 ലക്ഷം രൂപ ബജറ്റിൽ വകയിരുത്തി. അംഗൻവാടി വഴിയുള്ള പോഷകാഹാര വിതരണത്തിന് 35 ലക്ഷം രൂപയും ഭിന്നശേഷി സ്കോളർഷിപ് നൽകുന്നതിന്​ 40 ലക്ഷം രൂപയും വയോജനങ്ങളുടെ ക്ഷേമത്തിന്​ 10 ലക്ഷം രൂപ, വയോജനങ്ങൾക്ക് കട്ടിൽ, ഗ്ലൈക്കോമീറ്റർ എന്നീ പദ്ധതികൾക്ക് ബജറ്റിൽ തുക വകയിരുത്തി. റോഡുകളുടെ മെയിന്‍റനൻസിന്​ ഒരു കോടി മുപ്പത്തിമൂന്ന്​ ലക്ഷം രൂപയോളം വകയിരുത്തിയിട്ടുണ്ട്. മണ്ണാത്തിപ്പാറ കുടിവെള്ള പദ്ധതിക്ക്​ ഒമ്പതുലക്ഷം രൂപയും പുതുച്ചിറ സംസ്കാരിക നിലയം കുടിവെള്ള പദ്ധതിക്ക്​ 30 ലക്ഷം രൂപയും വകയിരുത്തി.