ഇന്ന് 85 കേന്ദ്രത്തിൽ വാക്സിനേഷൻ

കോട്ടയം: ജില്ലയിൽ ചൊവ്വാഴ്ച 85 കേന്ദ്രത്തിൽ കോവിഡിനെതിരായ വാക്‌സിനേഷൻ നൽകുമെന്ന് കലക്ടർ ഡോ. പി.കെ. ജയശ്രീ അറിയിച്ചു. 10 കേന്ദ്രത്തിൽ കുട്ടികൾക്കും 75 കേന്ദ്രത്തിൽ മുതിർന്നവർക്കും വാക്‌സിൻ നൽകും. അർഹരായവർക്ക് ഈ കേന്ദ്രങ്ങളിൽ നേരിട്ടെത്തിയോ ഓൺലൈൻ ആയി www.cowin.gov.in പോർട്ടൽ വഴി ബുക്ക് ചെയ്തോ വാക്‌സിൻ സ്വീകരിക്കാം. 15 വയസ്സ്​ (2007ൽ ജനിച്ചവർ) മുതൽ 18 വയസ്സുവരെയുള്ള കുട്ടികൾക്ക് വാക്‌സിൻ നൽകുന്ന കേന്ദ്രങ്ങൾ: അയർക്കുന്നം സാമൂഹികാരോഗ്യ കേന്ദ്രം, ചങ്ങനാശ്ശേരി ജനറൽ ആശുപത്രി, ഏറ്റുമാനൂർ സാമൂഹികാരോഗ്യകേന്ദ്രം, കോട്ടയം ജനറൽ ആശുപത്രി, കൊഴുവനാൽ പ്രാഥമികാരോഗ്യ കേന്ദ്രം, മുട്ടമ്പലം സെന്റ് ലാസറസ് പള്ളി, തിടനാട് പഞ്ചായത്ത് ഓഡിറ്റോറിയം, പാറത്തോട് പ്രാഥമികാരോഗ്യകേന്ദ്രം, ഉള്ളനാട് സാമൂഹികാരോഗ്യ കേന്ദ്രം, വാഴൂർ പ്രാഥമികാരോഗ്യ കേന്ദ്രം.