കെൽട്രോണിന് 522 കോടിയുടെ വിറ്റുവരവ്

തിരുവനന്തപുരം: കേരള സർക്കാർ സ്ഥാപനമായ കെൽട്രോൺ 2021-22 സാമ്പത്തിക വർഷം 522 കോടി രൂപ വിറ്റുവരവും 20 കോടി രൂപയുടെ അറ്റാദായവും നേടി. നാളിതുവരെയുള്ള മികച്ച വിറ്റുവരവ് തുകയായ 458 കോടി രൂപയിൽനിന്ന്​ ഉയർന്ന് വിറ്റുവരവ് 500 കോടി കടന്നു. കെൽട്രോണിന്റെ ഉപകമ്പനികളായ കെൽട്രോൺ കംപോണന്റ് കോംപ്ലക്സ് ലിമിറ്റഡ്​ (കണ്ണൂർ) 78.50 കോടി രൂപയും കെൽട്രോൺ ഇലക്ട്രോ സെറാമിക്സ് ലിമിറ്റഡ്​ (മലപ്പുറം) 13.85 കോടി രൂപയും വിറ്റുവരവുണ്ടാക്കി.