പൊൻകുന്നത്തെ തീപിടിത്തത്തിൽ 43 ലക്ഷത്തി‍െൻറ നഷ്ടം

പൊൻകുന്നത്തെ തീപിടിത്തത്തിൽ 43 ലക്ഷത്തി‍ൻെറ നഷ്ടം പൊൻകുന്നം: കെ.വി.എം.എസ് റോഡിലെ കോംപ്ലക്‌സിൽ തിങ്കളാഴ്ച രാത്രിയുണ്ടായ തീപിടിത്തത്തിൽ 43ലക്ഷം രൂപയുടെ നഷ്ടം. കുന്നുംഭാഗം മുണ്ടുവേലിക്കുന്നേൽ ബിനോയി മാത്യുവി‍ൻെറ ഏയ്ഞ്ചൽ ഓട്ടോപാർട്‌സിലായിരുന്നു തീപടർന്നത്​. കടയിൽ സൂക്ഷിച്ച സാധനങ്ങൾ പൂർണമായി കത്തിനശിച്ചു. 50ലധികം റേഡിയേറ്ററുകൾ നശിച്ചു. കൂടാതെ കടയിലുണ്ടായിരുന്ന ഓയിൽ, സ്റ്റിയറിങ് ബോക്സ്, സയലൻസർ, ആക്സിൽ ഉൾപ്പെടെയുള്ള സാധനങ്ങൾ പൂർണമായി നശിച്ചു. നാല് ഷട്ടറിനുള്ളിലെ കടകളാണ് കത്തിനശിച്ചത്. ഷോർട്ട്​ സർക്യൂട്ടാണ് അപകട കാരണമെന്നാണ്​ ഫയർഫോഴ്​സി‍ൻെറ വിലയിരുത്തൽ.