ജില്ലയില്‍ 35 പേര്‍ക്ക്​ കോവിഡ്; 49 പേര്‍ക്ക്​ രോഗമുക്തി

കോട്ടയം: ജില്ലയില്‍ 35പേര്‍ക്ക് കോവിഡ് സ്ഥിരീകരിച്ചു. എല്ലാവര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. 49പേര്‍ രോഗമുക്തരായി. 1108 പരിശോധനഫലങ്ങളാണു ലഭിച്ചത്. രോഗം ബാധിച്ചവരില്‍ 17 പുരുഷന്മാരും 17 സ്ത്രീകളും ഒരുകുട്ടിയും ഉള്‍പ്പെടുന്നു. 60 വയസ്സിനു മുകളിലുള്ള ആറുപേര്‍ക്ക്​ കോവിഡ് സ്ഥിരീകരിച്ചിട്ടുണ്ട്. നിലവില്‍ 353പേരാണ് ചികിത്സയിലുള്ളത്. ഇതുവരെ ആകെ 4,47,502 പേര്‍ കോവിഡ് ബാധിതരായി. 4,44,615പേര്‍ രോഗമുക്തി നേടി. രോഗം ബാധിച്ചവരുടെ തദ്ദേശഭരണ സ്ഥാപനാടിസ്ഥാനത്തിലുള്ള വിവരം ചുവടെ: ചങ്ങനാശ്ശേരി-4, ‌വാഴൂര്‍, പാലാ, മണര്‍കാട്-3,കുറവിലങ്ങാട്, കരൂര്‍, കാണക്കാരി, വാകത്താനം-2,ഞീഴൂര്‍, മുണ്ടക്കയം, മൂന്നിലവ്, അയര്‍ക്കുന്നം, മുത്തോലി, പാമ്പാടി, കോട്ടയം, വൈക്കം, തിരുവാര്‍പ്പ്, ഭരണങ്ങാനം, കടപ്ലാമറ്റം, മേലുകാവ്, അതിരമ്പുഴ, മണിമല-1.