സ്‌കൂള്‍ ബസുകളുടെ പരിശോധന: അനുമതി 34 വാഹനങ്ങൾക്ക് മാത്രം

ചങ്ങനാശ്ശേരി: സബ് ആര്‍.ടി ഓഫിസ്​ പരിധിയിലെ സ്കൂൾ വാഹനങ്ങളുടെ ഫിറ്റ്​നസ്​ പരിശോധനയിൽ 34 വാഹനങ്ങൾക്ക് മാത്രം അനുമതി. 65 വാഹനങ്ങളുടെ പരിശോധനയാണ്​ നടന്നത്​. ചങ്ങനാശ്ശേരി മുനിസിപ്പാലിറ്റി, മാടപ്പള്ളി, വാകത്താനം, തൃക്കൊടിത്താനം, പായിപ്പാട്, വാഴപ്പള്ളി പഞ്ചായത്തുകളുടെ പരിധിയിലെ സ്‌കൂള്‍ വാഹനങ്ങളുടെ പരിശോധനയാണ് നടന്നത്. ചങ്ങനാശ്ശേരി താലൂക്കിന്‍റെ പരിധിയിലെ മറ്റ്​ ഭാഗങ്ങളിലെ സ്‌കൂള്‍ ബസുകളു​ടെ പരിശോധന ശനിയാഴ്ച കങ്ങഴ ബസേലിയോസ് പബ്ലിക് സ്‌കൂളില്‍ നടക്കുമെന്ന്​ ജോ. ആര്‍.ടി.ഒ അറിയിച്ചു. KTL CHR 4 RTO ഫിറ്റ്‌നസ് കിട്ടിയ സ്‌കൂള്‍ ബസിന് ടെസ്റ്റഡ് സർട്ടിഫിക്കറ്റ് ജോയന്‍റ്​ ആര്‍.ടി.ഒ നല്‍കുന്നു