മഴയിൽ 250 ഏക്കറിലെ നെല്ല്​ വെള്ളത്തിൽ

കടുത്തുരുത്തി: മഴയിൽ കടുത്തുരുത്തിയിൽ 250 ഏക്കർ നെല്ല്​ വെള്ളത്തിൽ. മധുരവേലി പടിഞ്ഞാറേപ്പുറം പാടശേഖരത്തിലെ 250 ഏക്കർ നെൽകൃഷിയാണ്​ നാശത്തിന്‍റെ വക്കിലെത്തിയിരിക്കുന്നത്​. നെല്ല് കൊയ്​​തെടുക്കാൻ പാകത്തിലെത്തിനിൽക്കെ, മഴ എത്തിയതാണ്​ പ്രതിസന്ധി. നെല്ല്​ വെള്ളത്തിലേക്ക്​ ചാഞ്ഞു. കൊയ്ത്തുയന്ത്രങ്ങൾ എത്തിയെങ്കിലും മഴമൂലം പാടത്തിറങ്ങി കൊയ്യാൻ പറ്റാത്ത സ്ഥിതിയാണുള്ളത്​.