മാനസിക വെല്ലുവിളി നേരിടുന്ന പെൺകുട്ടിക്ക്‌ പീഡനം: പ്രതിക്ക്‌ 20 വർഷം കഠിനതടവ്​

കോട്ടയം: മാനസിക വെല്ലുവിളി നേരിടുന്ന, പ്രായപൂർത്തിയാകാത്ത പെൺകുട്ടിയെ പീഡിപ്പിച്ച പ്രതിക്ക്‌ 20 വർഷം കഠിനതടവും രണ്ടുലക്ഷം രൂപ പിഴയും. മാങ്ങാനം സ്വദേശി വിഷ്‌ണുവിനെയാണ്‌ (25) കോട്ടയം അഡീഷനൽ ജില്ല കോടതി -ഒന്ന്‌ (പോക്‌സോ കോടതി) ജഡ്‌ജി കെ.എൻ. സുജിത്ത്‌ ശിക്ഷിച്ചത്‌. 2015 ഡിസംബർ മുതൽ 2017 മേയ്‌ വരെയുള്ള കാലയളവിലാണ്‌ പീഡനത്തിന്‌ ഇരയായത്‌. ഈസ്റ്റ്​ പൊലീസ്​ സ്‌റ്റേഷൻ ചുമതല ഉണ്ടായിരുന്ന ചൈത്ര തെരേസ (ഐ.പി.എസ്​), ഈസ്റ്റ്​ സി.ഐ അനീഷ്‌ വി. കോര എന്നിവരാണ്‌ കേസ്‌ അന്വേഷിച്ചത്‌. പോക്സോ ആക്‌ടിന്‍റെ ആറാം വകുപ്പും, 376(2) (എഫ്‌) വകുപ്പും പ്രകാരമാണ്‌ പ്രതിക്ക്‌ ശിക്ഷ വിധിച്ചത്‌. പ്രോസിക്യൂഷന്‌ വേണ്ടി അഡ്വ. എം.എൻ. പുഷ്‌കരൻ ഹാജരായി.