ബഷീർ പുരസ്കാര സമർപ്പണം 19ന്

തലയോലപ്പറമ്പ്: വൈക്കം മുഹമ്മദ് ബഷീർ സ്മാരകസമിതി ഏർപ്പെടുത്തിയ 2021ലെ ബഷീർ ബാല്യകാലസഖി പുരസ്കാരം പ്രമുഖ സാഹിത്യകാരി ബി.എം. സുഹറക്കും, ബഷീർ അമ്മമലയാളം പുരസ്കാരം കവയിത്രി വി.എം. ഗിരിജക്കും 19ന് വിതരണം ചെയ്യും. തലയോലപ്പറമ്പ് ഫെഡറൽ നിലയത്തിൽ വെച്ച് വൈകീട്ട് അഞ്ചിനാണ്​ പുരസ്കാര ചടങ്ങ് നടത്തുന്നത്. ബഷീർ സ്മാരകസമിതി വൈസ് ചെയർമാൻ ഡോ. പോൾ മണലിന്‍റെ അധ്യക്ഷതയിൽ പ്രശസ്ത സാഹിത്യകാരനും സമിതി ചെയർമാനുമായ കിളിരൂർ രാധാകൃഷ്ണൻ പുരസ്കാര സമ്മേളനം ഉദ്ഘാടനം ചെയ്യും. സാഹിത്യനിരൂപകൻ ഡോ. എം.എം. ബഷീർ മുഖ്യപ്രഭാഷണം നടത്തും.