പൗരസമിതി റെയില്‍വേ സ്‌റ്റേഷന്‍ മാര്‍ച്ച് 18ന്

കടുത്തുരുത്തി: വേളാങ്കണ്ണി എക്‌സ്​പ്രസ് അടക്കമുള്ള ട്രെയിനുകള്‍ക്ക് വൈക്കം റോഡ് റെയിൽവേ സ്റ്റേഷനില്‍ സ്റ്റോപ് അനുവദിക്കണമെന്ന്​ ആവശ്യപ്പെട്ട് ശനിയാഴ്ച റെയില്‍വേ സ്‌റ്റേഷന്‍ മാര്‍ച്ച് നടത്തുവാന്‍ ആപ്പാഞ്ചിറ പൗരസമിതി നേതൃയോഗം തീരുമാനിച്ചു. രാവിലെ ഒമ്പത്​ മണിക്ക് ആപ്പാഞ്ചിറ ജങ്​ഷനില്‍നിന്ന്​ റെയില്‍വേ സ്‌റ്റേഷനിലേക്ക് മാര്‍ച്ചും തുടര്‍ന്ന്​ ധര്‍ണയും നടത്താനാണ് തീരുമാനം. പൗരസമിതി നേതൃസംഗമം മോന്‍സ് ജോസഫ് എം.എല്‍.എ ഉദ്ഘാടനം ചെയ്തു. ആപ്പാഞ്ചിറ പൊന്നപ്പന്‍ അധ്യക്ഷതവഹിച്ചു.