'സാന്ത്വനമായ് സാ' ഉദ്ഘാടനം 18ന്

കോട്ടയം: പ്രഫഷനൽ ഗാനമേള രംഗത്തെ ഗായകരുടെ കൂട്ടായ്മയായ സിങ്ങിങ്​ ആർട്ടിസ്റ്റ്​സ്​ അസോ. കേരള (സാ കേരളം) അംഗങ്ങൾക്കായുള്ള ഇൻഷുറൻസ് പദ്ധതി 'സാന്ത്വനമായ് സാ' ഉദ്ഘാടനം 18ന്​ ഉച്ചക്ക്​ രണ്ടിന്​ കലക്ടർ ഡോ. പി.കെ. ജയശ്രീ നിർവഹിക്കും. കോട്ടയം നഗരസഭാധ്യക്ഷ ബിൻസി സെബാസ്റ്റ്യൻ ഇൻഷുറൻസ് പോളിസി വിതരണം ചെയ്യും. തിരുവഞ്ചൂർ രാധാകൃഷ്ണൻ എം.എൽ.എ, രാജീവ് ആലുങ്കൽ, വൈക്കം വിജയലക്ഷ്മി തുടങ്ങിയവർ പങ്കെടുക്കും. മകളെ പീഡിപ്പിച്ചയാൾക്ക്​ 14വർഷം കഠിനതടവ്​ കോട്ടയം: ഒമ്പത്​ വയസ്സുകാരിയായ മകളെ ബലാത്സംഗം ചെയ്ത കേസിൽ പിതാവിന് 14 വർഷം കഠിന തടവും 25,000 രൂപ പിഴയും ശിക്ഷ. കോട്ടയം ഫാസ്റ്റ്ട്രാക്ക് സ്​പെഷൽ കോടതിയാണ്​ (പോക്സോ) ശിക്ഷിച്ചത്. പിഴത്തുക അടച്ചില്ലെങ്കിൽ ആറുമാസംകൂടി കഠിനതടവ് അനുഭവിക്കണം. 2018ലാണ് കേസിനാസ്പദമായ സംഭവം. രാമപുരം പൊലീസ് ഇൻസ്​പെക്ടർ ജോയ് മാത്യുവാണ് കേസ്​ അന്വേഷിച്ചത്.