ഈരാറ്റുപേട്ട അഗ്​നിരക്ഷാ നിലയം ഉദ്‌ഘാടനം 16ന്

ഈരാറ്റുപേട്ട: ഈരാറ്റുപേട്ട അഗ്​നിരക്ഷാനിലയത്തിന്‍റെ പുതിയ കെട്ടിടം ഏപ്രിൽ 16ന് മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും. ഓൺലൈനിലൂടെയാണ് ഉദ്‌ഘാടനം നിർവഹിക്കുന്നത്. അഡ്വ. സെബാസ്റ്റ്യൻ കുളത്തുങ്കൽ എം.എൽ.എ അധ്യക്ഷത വഹിക്കും. ഈരാറ്റുപേട്ട-പൂഞ്ഞാർ റോഡിൽ മറ്റക്കാട് പൊതുമരാമത്ത് വകുപ്പിന്‍റെ കൈവശമുണ്ടായിരുന്ന 42.5 സെന്‍റ്​ സ്ഥലത്താണ് അഗ്​നിരക്ഷാ നിലയം നിർമിച്ചിരിക്കുന്നത്. എം.എൽ.എയുടെ ആസ്തിവികസന ഫണ്ടിൽനിന്ന്​ 80 ലക്ഷം ചെലവിട്ട് രണ്ടുഘട്ടമായാണ് ഓഫിസ് സമുച്ചയവും ഗാരേജും നിർമാണം പൂര്‍ത്തീകരിച്ചിരിക്കുന്നത്. മൈനര്‍ ഇറിഗേഷന്‍ വകുപ്പ് 15 ലക്ഷം ചെലവില്‍ സംരക്ഷണ ഭിത്തിയും നിർമിച്ചിട്ടുണ്ട്. 1998ല്‍ ആരംഭിച്ച ഈരാറ്റുപേട്ട അഗ്​നിരക്ഷാനിലയം നിലവില്‍ വാടകക്കെട്ടിടത്തിലാണ് പ്രവര്‍ത്തിക്കുന്നത്. കഴിഞ്ഞ പ്രളയത്തിൽ ഈ കെട്ടിടത്തിൽ വെള്ളം കയറി മുഴുവൻ ഓഫിസ് ഉപകരണങ്ങളും ഫയലും നശിച്ചിരുന്നു. ഇവിടേക്കുള്ള ഇടുങ്ങിയ റോഡിലൂടെ സേനയുടെ വാഹനങ്ങളുടെ യാത്ര ഏറെ ബുദ്ധിമുട്ടായിരുന്നു. 2020ൽ നിർമാണം ആരംഭിച്ചെങ്കിലും ഇടക്ക് നിർമാണം നിലക്കുകയായിരുന്നു. പിന്നീട്​ രണ്ടാം ഇടത് സർക്കാർ അധികാരത്തിൽ വന്നതിനുശേഷം നിർമാണം വേഗത്തിൽ പൂർത്തീകരിക്കുകയായിരുന്നു. ഉദ്ഘാടനത്തിനായി 101 അംഗ സ്വാഗത സംഘവും രൂപത്​കരിച്ചു. അഡ്വ.സെബാസ്റ്റ്യൻ കുളത്തുങ്കൽ എം.എൽ.എ ഉദ്‌ഘാടനം ചെയ്തു. പൂഞ്ഞാർ ഗ്രാമപഞ്ചായത്ത്‌ പ്രസിഡന്‍റ്​ ഗീത നോബിൾ അധ്യക്ഷത വഹിച്ചു. ചെയർപേഴ്​സനായി ഗീത നോബിളിനെയും കൺവീനറായി രമ മോഹനനെയും തെരഞ്ഞെടുത്തു. പടം ഉദ്ഘാടനത്തിന് ഒരുങ്ങിയ ഈരാറ്റുപേട്ട അഗ്​നിരക്ഷാനിലയം