വിളയങ്കോട് പബ്ലിക് ലൈബ്രറിക്ക് 15 ലക്ഷം

കടുത്തുരുത്തി: ഞീഴൂർ പഞ്ചായത്തിലെ പത്താം വാർഡിൽ പ്രവർത്തിക്കുന്ന വിളയങ്കോട് പബ്ലിക് ലൈബ്രറിക്ക് പുതിയ കെട്ടിടം നിർമിക്കുന്നതിന് എം.പിയുടെ പ്രാദേശിക വികസന ഫണ്ടിൽനിന്ന്​ 15 ലക്ഷം രൂപ അനുവദിച്ചതായി തോമസ് ചാഴികാടൻ എം.പി അറിയിച്ചു. ഇതിന് ഭരണാനുമതി അടക്കം നടപടി പൂർത്തിയാക്കിയതായി അദ്ദേഹം അറിയിച്ചു. ലൈബ്രറിയുടെ കൈവശമുള്ള മൂന്ന്​ സൻെറ് സ്ഥലത്താണ് പുതിയ കെട്ടിടം നിർമിക്കുന്നത്. ഇക്കാര്യം ആവശ്യപ്പെട്ട് കടുത്തുരുത്തി ബ്ലോക്ക് പഞ്ചായത്ത് മെംബർ ജോൺസൺ കൊട്ടുകാപ്പള്ളി, സി.സി. ജോസഫ് എന്നിവർ എം.പിക്ക് നിവേദനം നൽകിയിരുന്നു.