മീനച്ചിൽ നദി തുമ്പി സർവേ 13ന്​

കോട്ടയം: അഞ്ചാമത് മീനച്ചിൽ നദി തുമ്പി സർ​വേ ഈ മാസം 13ന് നടക്കും. ട്രോപ്പിക്കൽ ഇൻസ്റ്റിറ്റ്യൂറ്റ്​ ഓഫ് ഇക്കോളജിക്കൽ സയൻസസിന്‍റെ നേതൃത്വത്തിൽ അടുക്കംമുതൽ കോട്ടയം ഇല്ലിക്കൽ വരെ 15 ഇടങ്ങളിലായാണ് സർവേ. തുമ്പികളുടെ വൈവിധ്യവും എണ്ണവും ജലപരിസ്ഥിതിയുടെ ആരോഗ്യ സൂചകമായതിനാൽ സർവേ നൽകുന്ന വിവരങ്ങൾക്ക് ഏറെ പ്രാധാന്യമുണ്ട്. ദക്ഷിണേന്ത്യയിലെ പ്രമുഖ തുമ്പി വിദഗ്​ധർ പങ്കെടുക്കുന്ന സർവേയിൽ തൽപരരായ കോളജ് വിദ്യാർഥികൾക്കും ജനങ്ങൾക്കും പങ്കെടുക്കാം. പരിശീലന പരിപാടി 12ന് ഓൺലൈനായി നടക്കും. ഫോൺ: 9496794305.