എം.ജിയിൽ ഇന്നവേഷൻ ഫൗണ്ടേഷൻ ഹബ്​ ഉദ്ഘാടനം ഇന്ന്

കോട്ടയം: റുസ പദ്ധതിക്ക് (ആർ.യു.എസ്.എ) കീഴിൽ മഹാത്മാഗാന്ധി സർവകലാശാലയിൽ സ്ഥാപിച്ച എം.ജി സർവകലാശാല ഇന്നവേഷൻ ഫൗണ്ടേഷന് കീഴിലുള്ള വിവിധ ഹബുകളുടെയും സർവകലാശാല സേവനങ്ങൾ ത്വരിതഗതിയിലാക്കാൻ നടപ്പാക്കിയ ടാബുലേഷൻ രജിസ്റ്ററുകളുടെ ഡിജിറ്റൈസേഷൻ-ഡിജിആർകൈവ് പദ്ധതിയുടെയും ഉദ്ഘാടനം തിങ്കളാഴ്ച രാവിലെ 9.30ന് ഉന്നതവിദ്യാഭ്യാസ മന്ത്രി ഡോ. ആർ. ബിന്ദു നിർവഹിക്കും. സർവകലാശാലയിൽ പുതുതായി സജ്ജീകരിച്ച ഓൺലൈൻ പരീക്ഷ കേന്ദ്രത്തിന്റെ ഉദ്ഘാടനം മന്ത്രി വി.എൻ. വാസവൻ നിർവഹിക്കും. തോമസ് ചാഴികാടൻ എം.പി മുഖ്യപ്രഭാഷണം നടത്തും. KTG MG- മഹാത്മാഗാന്ധി സർവകലാശാലയിൽ സജ്ജീകരിച്ച ഇന്നവേഷൻ ഫൗണ്ടേഷൻ ഹബുകൾ