കാറിടിച്ച് രണ്ട്​ വാഹനം തകര്‍ന്നു

കോട്ടയം: കോടിമത നാലുവരിപ്പാതയില്‍ വാഹനാപകടം. കാറിടിച്ച് രണ്ടുവാഹനം തകര്‍ന്നു. അപകടത്തില്‍ ആര്‍ക്കും പരിക്കില്ല. കാര്‍ ഡ്രൈവറെ പൊലീസ് കസ്റ്റഡിയില്‍ എടുത്തു. ബുധനാഴ്ച വൈകീട്ട്​ 7.45 നായിരുന്നു അപകടം. ചിങ്ങവനം ഭാഗത്തുനിന്ന്​ എത്തിയ കാര്‍ നിയന്ത്രണംവിട്ട് റോഡരികിലെ ബജിക്കടക്ക്​ മുന്നില്‍ നിര്‍ത്തിയിട്ടിരുന്ന പെട്ടിഓട്ടോയിലും ബൈക്കിലും ഇടിക്കുകയായിരുന്നു. ഇടിയുടെ ആഘാതത്തില്‍ ബൈക്ക് പൂര്‍ണമായും പെട്ടിഓട്ടോ ഭാഗികമായും തകര്‍ന്നു.