കനകജൂബിലി ആഘോഷ സമാപനം

കോട്ടയം: കാരാപ്പുഴ സി.എം.എസ്.എൽ.പി സ്കൂൾ ശതോത്തര കനകജൂബിലി ആഘോഷങ്ങളുടെ സമാപന സമ്മേളനം ഞായറാഴ്ച രാവിലെ 11ന്​ നടക്കും. പൂർവ അധ്യാപക-വിദ്യാർഥി സംഗമം മുനിസിപ്പൽ വൈസ് ചെയർമാൻ ബി. ഗോപകുമാർ ഉദ്ഘാടനം ചെയ്യും. സമ്മേളനം ഉച്ചക്ക്​ രണ്ടിന്​ മന്ത്രി വി.എൻ. വാസവൻ ഉദ്ഘാടനം ചെയ്യും. സ്മാർട് ക്ലാസ്റൂം ഉദ്ഘാടനം തിരുവഞ്ചൂർ രാധാകൃഷ്ണൻ എം.എൽ.എയും അനുഗ്രഹ പ്രഭാഷണം സി.എസ്​.ഐ മധ്യകേരള മഹാ ഇടവക ബിഷപ് റവ. ഡോ. മലയിൽ സാബു കോശി ചെറിയാനും നിർവഹിക്കും. വാർത്തസമ്മേളനത്തിൽ ഷാജി ജേക്കബ് (ചെയർമാൻ, വാർഷികാഘോഷ കമ്മിറ്റി), റവ. ജോർജ് ചെറിയാൻ (ലോക്കൽ മാനേജർ), ജെസി ജേക്കബ് (ഹെഡ്മിസ്ട്രസ്), ശ്രീവാസ് ആർ (പി.ടി.എ പ്രസിഡന്‍റ്​) ദീപു ആൻഡ്രൂസ്, മുഹമ്മദ് ബഷീർ, എബ്രഹാം പി.ജോർജ്, റോയ്സ് സി.മാണി എന്നിവർ പ​ങ്കെടുത്തു. ചെണ്ട പഠനകളരി കോട്ടയം: യുവ വാദ്യമേള കലാകാരൻ മറ്റക്കര ഉണ്ണിക്കുട്ടൻമാരാരുടെ നേതൃത്വത്തിൽ ചെണ്ട പഠനകളരി ആരംഭിച്ചു. മറ്റക്കര ശ്രീ തുരുത്തിപ്പള്ളി ഭഗവതിക്ഷേത്ര കെട്ടിടത്തിൽ എല്ലാ വെള്ളി, ശനി, ഞായർ ദിവസങ്ങളിലും വൈകുന്നേരങ്ങളിൽ ക്ലാസ് നടക്കും. ഫോൺ: 9526476290.