വൈദ്യുതി ഉപഭോഗം വീണ്ടും മുകളിലേക്ക്​

മൂലമറ്റം: വേനൽച്ചൂട് കടുത്തതോടെ സംസ്ഥാനത്തെ വൈദ്യുതി ഉപഭോഗം സർവകാല റെക്കോഡും മറികടന്ന്​ വീണ്ടും മുകളിലേക്ക്​. ബുധനാഴ്ച രേഖപ്പെടുത്തിയ 90.37 ദശലക്ഷം യൂണിറ്റ് വൈദ്യുതി ഉപയോഗമായിരുന്നു കെ.എസ്.ഇ.ബി യുടെ സർവകാല റെക്കോഡ്. ഇത് 92.04 ദശലക്ഷം യൂനിറ്റിലെത്തി. വ്യാഴാഴ്ച രാവിലെ എട്ട്​ മണി വരെയുള്ള കണക്കാണിത്. 92.04 ദശലക്ഷം യൂനിറ്റ് വൈദ്യുതി ഉപയോഗിച്ചപ്പോൾ 32.05 ദശലക്ഷം യൂനിറ്റ്​ കേരളത്തിൽ ആഭ്യന്തരമായി ഉൽപാദിപ്പിച്ചു. 59.98 ദശലക്ഷം യൂനിറ്റ് പുറം സംസ്ഥാനങ്ങളിൽനിന്ന്​ വാങ്ങി.