ഇഫ്താർ സംഗമം

കോട്ടയം: ജമാഅത്തെ ഇസ്‌ലാമി കോട്ടയം ഏരിയ സമിതി ഇഫ്താർ സൗഹൃദസംഗമം സംഘടിപ്പിച്ചു. ഏരിയ പ്രസിഡന്‍റ്​ എം.എ. നൗഫൽ അധ്യക്ഷത വഹിച്ചു. താഴത്തങ്ങാടി ജുമാമസ്ജിദ് ചീഫ് ഇമാം ഇലവുപാലം ഷംസുദ്ദീൻ മന്നാനി ഉദ്​ഘാടനം ചെയ്തു. ജമാഅത്തെ ഇസ്‌ലാമി ഈരാറ്റുപേട്ട വൈസ് പ്രസിഡന്‍റ്​ സാജിദ് നദ്‌വി റമദാൻ സന്ദേശം നൽകി. സേട്ട് ജുമാമസ്ജിദ് ചീഫ് ഇമാം മൗലവി സാദിഖ് മന്നാനി, നീലിമംഗലം ജുമാമസ്ജിദ് ചീഫ് ഇമാം അൽഹാഫിസ്‌ സത്താർ മൗലവി, ദഅ്​വ മസ്ജിദ്​ ചീഫ് ഇമാം സ്വാലിഹ് മൗലവി, മുസ്‌ലിം ജമാഅത്ത് കൗൺസിൽ പ്രസിഡന്‍റ്​ അമീൻ ഷാ, ശറഫ് പി. ഹംസ, പ്രഫ. ഷവാസ് ശരീഫ് എന്നിവർ സംസാരിച്ചു. എച്ച്​. നൗഷാദ് നന്ദി പറഞ്ഞു. പടം: KTL Iftar താഴത്തങ്ങാടി ജുമാമസ്ജിദ് ചീഫ് ഇമാം ഇലവുപാലം ഷംസുദ്ദീൻ മന്നാനി സംഗമം ഉദ്​ഘാടനം ചെയ്യുന്നു കുറ്റിക്കൽ-നെടുങ്ങോട്ട്മല പ്രദേശത്ത്​ രാത്രി കാട്ടുപന്നിശല്യം രൂക്ഷം കോട്ടയം: കുറ്റിക്കൽ-നെടുങ്ങോട്ട്മല പ്രദേശത്ത്​ രാത്രി കാട്ടുപന്നി ശല്യം രൂക്ഷമായതോടെ പ്രദേശവാസികൾ ഭീതിയിൽ. കഴിഞ്ഞ ദിവസം തലനാരിഴക്കാണ് ഓട്ടോറിക്ഷ യാത്രക്കാർ കാട്ടുപന്നിയുടെ ആക്രമണത്തിൽനിന്ന്​ രക്ഷപ്പെട്ടത്. വീതികുറഞ്ഞ വഴികളായതുകൊണ്ട് ആക്രമണമുണ്ടായാൽ വലിയ നാശത്തിന്​ സാധ്യതയുണ്ട്. കുറച്ചുകാലം മുമ്പ്​ നെടുങ്ങോട്ട്മലയുടെ സമീപം കാട്ടുപന്നിയെ കണ്ടിരുന്നെങ്കിലും പിന്നീട് ശല്യമുണ്ടായിരുന്നില്ല. കന്നുകാലികൾക്ക് പുല്ല് ശേഖരിക്കുന്നതിന് ഉൾ​പ്പെടെ തോട്ടങ്ങളിലേക്ക് പോകാൻ ആളുകൾക്ക്​ മടിയാണ്. ചില പ്രദേശങ്ങളിൽ രാത്രി കാണുന്നത് ഒറ്റയാൻ പന്നിയാണ്. ഇത് പ്രദേശവാസികളുടെ ഭീതി ഇരട്ടിയാക്കുന്നു. ജനങ്ങളുടെ ഭീതിയകറ്റാൻ വനംവകുപ്പ് നടപടി സ്വീകരിക്കണമെന്ന് കർഷക കോൺഗ്രസ് ജില്ല ജനറൽ സെക്രട്ടറി എബി ഐപ്പ് ആവശ്യപ്പെട്ടു.