ജനതാദൾ എസിൽ കൂട്ടരാജി

കോട്ടയം: . സംസ്ഥാന എക്സിക്യൂട്ടിവ്​ അംഗം പി.ജി. സുഗുണ‍‍ൻെറ നേതൃത്വത്തിൽ ഒരുകൂട്ടം പ്രവർത്തകരാണ്​ രാജി പ്രഖ്യാപിച്ചത്​. ജില്ല നേതൃത്വത്തിൽ എകാധിപത്യത്തിൽ പ്രതിഷേധിച്ചാണ്​ പാർട്ടിവിടുന്നതെന്ന്​ ഇവർ വാർത്തസമ്മേളനത്തിൽ പറഞ്ഞു. മറ്റ് പാർട്ടികൾ യുവാക്കൾക്ക് മുൻഗണന നൽകുമ്പോൾ ജനതാദൾ എസിൽ തലമുറ മാറ്റമില്ല. വർഷങ്ങളായി ഒരേവ്യക്തി ജില്ല പ്രസിഡന്‍റായി തുടരുകയാണ്​. ജില്ല കമ്മിറ്റി ഓഫിസ് സ്വകാര്യസ്വത്തായി കൈവശം വെച്ചിരിക്കുകയാണെന്നും ഇവർ ആരോപിച്ചു. ഇതുസംബന്ധിച്ച്​ സംസ്ഥാനനേതൃത്വത്തിന്​ പരാതി നൽകിയിട്ടും നടപടിയൊന്നുമുണ്ടായില്ല. ഈ സാഹചര്യത്തിലാണ്​ പാർട്ടി വിടുന്നതെന്നും പറഞ്ഞു​. മുൻ ജില്ല സെക്രട്ടറി സദാശിവൻ കുമരകം, മഹിള ജനതാദൾ ജില്ല പ്രസിഡന്‍റ്​ ലക്ഷ്മി രാമചന്ദ്രൻ, ടോം സി.തയ്യിൽ, സാബു രാജ്, ടോണി പുളിക്കൽ എന്നിവരടക്കം 40 ഓളംപേരാണ്​ രാജിവെച്ചത്​. മറ്റേതെങ്കിലും പാർട്ടിയിൽ ചേരുന്ന കാര്യം പിന്നീട്​ തീരുമാനിക്കുമെന്ന്​ പി.ജി. സുഗുണൻ പറഞ്ഞു. തൊഴിലധിഷ്​ഠിത കോഴ്​സ്​ കോട്ടയം: കഞ്ഞിക്കുഴിയിലെ പ്രധാൻമന്ത്രി കൗശൽകേന്ദ്രയിൽ പുതുതായി ആരംഭിക്കുന്ന ഹോസ്പിറ്റൽ ഫ്രണ്ട്​ ഡെസ്​ക്​ എക്സിക്യൂട്ടിവ്​ കോഴ്സിലേക്ക്​ അപേക്ഷ ക്ഷണിച്ചു. ഏപ്രിൽ 30ന്​ ക്ലാസ് ആരംഭിക്കും. 21നും 27നും ഇടയിൽ പ്രായമുള്ള ഡിഗ്രി യോഗ്യതയുള്ള ആർക്കും അപേക്ഷിക്കാം. അപേക്ഷകരിൽനിന്ന്​ തെരഞ്ഞെടുക്കപ്പെടുന്ന വിദ്യാർഥികൾ സ്ഥാപനത്തിൽ നേരിട്ടെത്തി പഠിക്കണം. ക്ലാസുകൾ രാവിലെ 9.30 മുതൽ വൈകീട്ട് 5.30 വരെയായിരിക്കും. ഒന്നരമാസം ദൈർഘ്യമുള്ള ഈ കോഴ്സ് വിജയകരമായി പൂർത്തിയാക്കുന്നവർക്ക് കേന്ദ്രസർക്കാറി‍ൻെറ അംഗീകൃത സർട്ടിഫിക്കറ്റ്​ ലഭിക്കും. ഫോൺ:​ 9846321764.