പൊലീസുകാരെ കൈയേറ്റം ചെയ്യാൻ ശ്രമിച്ച പ്രതി പിടിയിൽ

മുണ്ടക്കയം: വാഹനപരിശോധനക്കിടെ പൊലീസുകാരെ കൈയേറ്റം ചെയ്യാൻ ശ്രമിച്ച ചെളിക്കുഴി മിനിമോൾ സദനം വീട്ടിൽ 'മിന്നൽ ജയൻ' പി.എൻ. രവീന്ദ്രനെ (56) അറസ്റ്റ് ചെയ്തു. ചൊവ്വാഴ്ച വൈകീട്ട്​ അഞ്ചരയോടെ പൈങ്ങന ജങ്​ഷനിൽ പൊലീസ് പരിശോധന നടത്തുന്നതിനിടയിലേക്ക് ഇയാൾ എത്തുകയും ഉദ്യോഗസ്ഥരോട് അസഭ്യം പറയുകയും കൈയേറ്റം ചെയ്യാൻ ശ്രമിക്കുകയും ചെയ്തത്​. മുണ്ടക്കയം എസ്.ഐ ടി.ഡി. മനോജ് കുമാറി‍ൻെറ നേതൃത്വത്തിലെ പൊലീസ് സംഘം ചിറ്റടിയിൽവെച്ച് ഇയാളെ പിടികൂടുകയായിരുന്നു.