മാലിന്യവാഹിനിയായി ചിറ്റാര്‍പുഴ

കാഞ്ഞിരപ്പള്ളി: മാലിന്യങ്ങളാൽ നിറഞ്ഞ്​ കാഞ്ഞിരപ്പള്ളി മേഖലയിലെ പ്രധാന ജലസ്രോതസ്സായ ചിറ്റാര്‍പുഴ. ടൗണിലെ മിക്ക വ്യാപാരസ്ഥാപനങ്ങളും മാലിന്യങ്ങൾ പുഴയിൽ തള്ളുന്നതായും ആക്ഷേപമുണ്ട്​. ഇറച്ചി കടകള്‍, പച്ചമല്‍സ്യ വ്യാപാരശാലകള്‍, വീടുകള്‍ എന്നിവിടങ്ങളില്‍ നിന്നുമുള്ള മാലിന്യങ്ങൾ പുഴയിൽ കെട്ടി കിടക്കുകയാണ്​. കഴിഞ്ഞദിവസങ്ങളിലെ വേനല്‍ മഴയില്‍ ഒഴുകിയെത്തിയ മാലിന്യം ആനിത്തോട്ടം പാലത്തിന്റെ തൂണില്‍ കെട്ടിക്കിടന്ന് ദുര്‍ഗന്ധം വമിക്കുന്നു. പതിനായിരക്കണക്കിന്​ കുടുംബങ്ങളും വ്യാപാരസ്ഥാപനങ്ങള്‍ക്കും പ്രയോജനകരമായ ചിറ്റാര്‍പുഴയില്‍ മാലിന്യം കുമിഞ്ഞത്​ വലിയ ബുദ്ധിമുട്ടായി. പുഴയിലെ വെള്ളം ഉപയോഗിച്ചതിനെതുടര്‍ന്ന്​ നിരവധി പേര്‍ക്ക് ത്വക് രോഗങ്ങള്‍ സ്ഥിരീകരിച്ചു. ---- KTL WBL chittar puzha ചിറ്റാർ പുഴയിൽ ആനിത്തോട്ടം ഭാഗത്ത് തങ്ങിനിൽക്കുന്ന മാലിന്യം