പഞ്ചായത്ത് മെംബര്‍ക്കെതിരെ കഞ്ചാവ് മാഫിയയുടെ വധഭീഷണി

തലയോലപ്പറമ്പ്: . ഉദയനാപുരം ഗ്രാമപഞ്ചായത്ത് പന്ത്രണ്ടാം വാര്‍ഡ് മെംബറും എ.ഐ.വൈ.എഫ് തലയോലപ്പറമ്പ് മണ്ഡലം കമ്മിറ്റി അംഗവുമായ സി.പി. അനൂപിനെതിരെയാണ് വധഭീഷണി. വല്ലകം ഭാഗത്ത് വ്യാപകമായ കഞ്ചാവ് വില്‍പന നടക്കുന്നതിനെതിരായി അനൂപിന്‍റെ നേതൃത്വത്തില്‍ ബോധവത്​കരണ കാമ്പയിന്‍ സംഘടിപ്പിച്ചിരുന്നു. ഇതില്‍ അസ്വസ്ഥരായ കഞ്ചാവ് സംഘത്തിന്‍റെ നേതാവാണ് വധഭീഷണി മുഴക്കിയത്. അനൂപിനൊപ്പം കഞ്ചാവ് മാഫിയക്കെതിരായ പ്രവര്‍ത്തനങ്ങളില്‍ പങ്കാളിയായ സുധീഷിനെയും വീട്ടില്‍ കയറി ഭീഷണിപ്പെടുത്തി. കഞ്ചാവ് മാഫിയ വധഭീഷണി മുഴക്കിയെന്ന്​ കാണിച്ച് അനൂപ് വൈക്കം ഡിവൈ.എസ്.പിക്ക്​ പരാതി നല്‍കി. കഞ്ചാവ് മാഫിയക്കെതിരെ ശക്തമായ പ്രക്ഷോഭപരിപാടികള്‍ സംഘടിപ്പിക്കുമെന്ന് എ.ഐ.വൈ.എഫ് തലയോലപ്പറമ്പ് മണ്ഡലം പ്രസിഡന്‍റ്​ പി.എസ്. അര്‍ജുന്‍, സെക്രട്ടറി പി.ആര്‍. ശരത് കുമാര്‍ എന്നിവര്‍ പറഞ്ഞു.