ഒഡിഷയിൽ ആൾക്കൂട്ടക്കൊല: നാലുപേർ അറസ്റ്റിൽ

ബാ​രി​പാ​ഡ: ഒ​ഡി​ഷ​യി​ൽ സ്വ​കാ​ര്യ സ്ഥാ​പ​ന ജീ​വ​ന​ക്കാ​ര​നെ കൂ​ട്ടം​ചേ​ർ​ന്ന് ആ​ക്ര​മി​ച്ചു​കൊ​ന്ന കേ​സി​ൽ നാ​ലു​പേ​ർ അ​റ​സ്റ്റി​ൽ. ഒ​ഡി​ഷ​യി​ലെ മ​യൂ​ർ​ഭ​ഞ്ച് ജി​ല്ല​യി​ൽ ചൊ​വ്വാ​ഴ്ച ന​ട​ന്ന സം​ഭ​വ​ത്തി​ൽ വ്യാ​ഴാ​ഴ്ച​യാ​ണ് നാ​ലു​പേ​രെ അ​റ​സ്റ്റു​ചെ​യ്ത​ത്. കാ​ർ ത​ട്ടി ഗ്രാ​മീ​ണ​ൻ മ​രി​ച്ച​തി​നെ തു​ട​ർ​ന്നാ​ണ് സ്വ​കാ​ര്യ സ്ഥാ​പ​ന ജീ​വ​ന​ക്കാ​ര​നെ ഗ്രാ​മീ​ണ​ർ ആ​ക്ര​മി​ച്ചു കൊ​ന്ന​ത്. ജി​ല്ല ആ​സ്ഥാ​ന​മാ​യ ബാ​രി​പാ​ഡ​യി​ൽ നി​ന്ന് 36 കി.​മീ അ​ക​ലെ ദേ​ശീ​യ​പാ​ത​യി​ൽ കാ​ർ മോ​ട്ടോ​ർ സൈ​ക്കി​ളി​ലി​ടി​ച്ച് ഗ്രാ​മ​വാ​സി​യാ​യ ഹ​രി​ഹ​ർ​സേ​ഥി (55) സം​ഭ​വ​സ്ഥ​ല​ത്ത് മ​രി​ച്ച​തി​നെ തു​ട​ർ​ന്ന് രോ​ഷാ​കു​ല​രാ​യ ഗ്രാ​മ​വാ​സി​ക​ൾ കാ​റി​ലു​ണ്ടാ​യി​രു​ന്ന മൂ​ന്നു​പേ​രെ ആ​ക്ര​മി​ക്കു​ക​യാ​യി​രു​ന്നു. പ​രി​ക്കേ​റ്റ സ്വ​കാ​ര്യ സ്ഥാ​പ​ന ജീ​വ​ന​ക്കാ​ര​നാ​യ സ​ത്യ​നാ​രാ​യ​ണ ന​ന്ദ ആ​ശു​പ​ത്രി​യി​ലേ​ക്കു​ള്ള യാ​ത്രാ​മ​ധ്യേ മ​രി​ച്ചു. മ​റ്റൊ​രു ജീ​വ​ന​ക്കാ​ര​ൻ ഫു​ൽ​ച​ന്ദ് ശ​ർ​മ​യെ ബാ​രി​പേ​ഡ​യി​ലെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​താ​യി ബം​ഗി​രി​പോ​സി പൊ​ലീ​സ് ഇ​ൻ​സ്‍പെ​ക്ട​ർ സ​ഞ്ജ​യ് പ​രി​ദ പ​റ​ഞ്ഞു.