സൗഹൃദത്തിന്‍റെ ദൂതുണർത്തി ഇഫ്താർ സംഗമം

MUST കോട്ടയം: ഇസ്‌ലാം ശാന്തിയുടെയും സമാധാനത്തിന്‍റെയും മതമാണ്. ത്യാഗത്തിന്‍റെയും സഹനത്തിന്‍റെയും ദിവസങ്ങളിൽ നമുക്ക്​ ഒത്തുചേരാൻ കഴിഞ്ഞതിൽ സന്തോഷിക്കുന്നുവെന്ന് തിരുവഞ്ചൂർ രാധാകൃഷ്ണൻ എം.എൽ.എ. ജമാഅത്തെ ഇസ്‌ലാമി ജില്ല കമ്മിറ്റി സംഘടിപ്പിച്ച സൗഹൃദ ഇഫ്താർ സംഗമം ഉദ്​ഘാടനം ചെയ്ത്​ സംസാരിക്കുകയായിരുന്നു അദ്ദേഹം. സമൂഹത്തിന്‍റെ നാനാതുറകളിലുള്ളവരുടെ സാന്നിധ്യംകൊണ്ട്​ സമ്പന്നമായ സംഗമത്തിൽ ജമാഅത്തെ ഇസ്​ലാമി ജില്ല പ്രസിഡന്‍റ്​ എ.എം അബ്ദുൽ സമദ് അധ്യക്ഷത വഹിച്ചു. ആശങ്കാജനകമായ ഈ അന്തരീക്ഷരത്തിൽ ഇഫ്താർ സംഗമം വ്യാപകമാക്കണമെന്ന്​ മോൻസ് ജോസഫ് എം.എൽ.എ പറഞ്ഞു. നമ്മുടെ അയൽസംസ്ഥാനങ്ങളിൽ ബാധിച്ചുകൊണ്ടിരിക്കുന്ന വൈറസ് കേരളത്തെ ബാധിക്കാതെ നോക്കേണ്ടത് പ്രബുദ്ധരായ നമ്മുടെ എല്ലാവരുടെയും ബാധ്യതയാണെന്ന്​ ജമാഅത്തെ​ ഇസ്​ലാമി സംസ്ഥാന സെക്രട്ടറി കെ.എ. യൂസഫ്​ ഉമരി റമദാൻ സന്ദേശത്തിൽ പറഞ്ഞു. ജില്ല പഞ്ചായത്ത്​ പ്രസിഡന്‍റ്​ നിർമലാ ജിമ്മി, കോട്ടയം നഗരസഭ ചെയർപേഴ്​സൻ ബിൻസി സെബാസ്റ്റ്യൻ, കലക്ടർ ഡോ. പി.കെ. ജയശ്രീ, ഡെപ്യൂട്ടി കലക്ടർ മുഹമ്മദ്​ ഷാഫി, കെ.എഫ്​.ഡി.സി ചെയർപേഴ്​സൻ ലതിക സുഭാഷ്​, യു.ഡി.എഫ്​. ജില്ല ചെയർമാൻ സജി മഞ്ഞക്കടമ്പിൽ, ഡി.സി.സി പ്രസിഡന്‍റ്​ നാട്ടകം സുരേഷ്​, സി.പി.ഐ ജില്ല എക്സിക്യൂട്ടീവംഗം അഡ്വ. വി.ബി ബിനു, എൻ.സി.പി സംസ്ഥാന സെക്രട്ടറി സുഭാഷ്​, ഡോ. എം.ഹനീഫ്​, പി.ഡി.പി സംസ്ഥാന ട്രഷറർ എം.എസ്​ നൗഷാദ്, സ്വാമി കൈവല്യാനന്ദ സരസ്വതി, അഡ്വ. വിനീത, വ്യാപാരിവ്യവസായി ഏകോപന സമിതി അംഗം എം.കെ ഖാദർ, സാഹിത്യകാരി മിനി സുരേഷ്​, മുസ്​ലിം ലീഗ്​ മണ്ഡലം പ്രസിഡന്‍റ്​ ഫാറൂഖ്​, മംഗളം പബ്ലിക്കേഷൻ എം.ഡി സാജൻ വർഗീസ്, സംക്രാന്തി എസ്​.എൻ.എൽ.പി.സ്കൂൾ ഹെഡ്​മിസ്​ട്രസ്​ ബിന്ദു എന്നിവർ സംസാരിച്ചു.​ ജില്ല പി.ആർ സെക്രട്ടറി സലിം മുഹമ്മദ് സ്വാഗതവും ഏരിയ പ്രസിഡന്‍റ്​ എം.എ. നൗഫൽ നന്ദിയും പറഞ്ഞു. പടം: DP