മുണ്ടക്കയം മണിമലയാർ ആഴംകൂട്ടൽ ആരംഭിച്ചു

മുണ്ടക്കയം: പ്രളയത്തിൽ നികന്ന മണിമലയാറിനെ പുനരുജ്ജീവിപ്പിക്കാനുള്ള സർക്കാർ പദ്ധതിയുടെ ഭാഗമായി ചളിയും മണലും കോരിമാറ്റുന്ന പ്രവർത്തനം സെബാസ്റ്റ്യൻ കുളത്തുങ്കൽ എം.എൽ.എ ഉദ്​ഘടനം ചെയ്തു. വൈസ് പ്രസിഡന്‍റ്​ ദിലീഷ് ദിവാകരൻ അധ്യക്ഷതവഹിച്ചു. ജില്ല പഞ്ചായത്ത്‌ മെംബർ അനുപമ, ബ്ലോക്ക്​ പഞ്ചായത്ത് പ്രസിഡന്‍റ്​ അജിത്‌ രതീഷ്, ബ്ലോക്ക്‌ മെംബർ പി.കെ. പ്രദീപ്‌, സ്റ്റാൻഡിങ് കമ്മിറ്റി ചെയർമാൻ സി.വി. അനിൽകുമാർ, വ്യാപാരി സമിതി പ്രസിഡന്‍റ്​ ആർ.സി. നായർ, അനിൽ സുനിത, എം.ജി. രാജു, ബെന്നി ചേറ്റുകുഴി, സുനിൽ ടി.രാജ്, ഷാജി തട്ടമ്പറമ്പിൽ, ജയകുമാർ, ചാർലി കോശി, ബോബി കെ.മാത്യു, കെ.എൻ. സോമരാജൻ എന്നിവർ സംസാരിച്ചു. വിവിധ രാഷ്ട്രിയകക്ഷി വാളന്‍റിയർമാർ, സന്നദ്ധസംഘടന പ്രവർത്തകർ, കടുംബശ്രീ, തൊഴിലുറപ്പ്​ അംഗങ്ങൾ, വ്യാപാരി വ്യവസായി അംഗങ്ങൾ എന്നിവർ പങ്കാളികളായി. പഞ്ചായത്ത്, റവന്യൂ, ഇറിഗേക്ഷൻ ഡിപ്പാർട്മെന്‍റുകൾ സംയുക്തമായാണ് ശുചീകരണത്തിന് നേതൃത്വം നൽകുന്നത്. ഇവിടുന്നുവാരുന്ന മണലും ചളിയും വിവിധ സ്ഥലങ്ങളിലായി സംഭരിച്ച്​ റവന്യൂ അധികൃതർ ലേലം ചെയ്യും. KTL WBL ManiMalayar ചിത്രവിവരണം: മുണ്ടക്കയം മണിമലയാർ പുനർജനി പദ്ധതി അഡ്വ. സെബാസ്റ്റ്യൻ കുളത്തുങ്കൽ എം.എൽ.എ ഉദ്​ഘാടനം ചെയ്യുന്നു