കുഞ്ചന്‍ നമ്പ്യാര്‍ സ്മാരക ജനരഞ്ജന പുരസ്കാരം വി.എന്‍. വാസവന്

കോട്ടയം: കിടങ്ങൂര്‍ കേന്ദ്രമായ കുഞ്ചന്‍ നമ്പ്യാര്‍ സ്മാരക സാംസ്കാരിക സമിതിയുടെ ഈ വര്‍ഷത്തെ കുഞ്ചന്‍ നമ്പ്യാര്‍ ജനരഞ്ജന പുരസ്കാരം അഭയം ചാരിറ്റബിള്‍ സൊസൈറ്റി അധ്യക്ഷനും മന്ത്രിയുമായ വി.എന്‍. വാസവന്. 10,001 രൂപയും ശിൽപവുമടങ്ങുന്ന പുരസ്കാരം 26 ന്​ കോട്ടയം പ്രസ് ക്ലബില്‍ രാവിലെ 11 ന്​ ചേരുന്ന സമ്മേളനത്തില്‍ നിയമസഭ സ്പീക്കര്‍ എം.ബി. രാജേഷ് സമ്മാനിക്കും. സാമവേദാചാര്യന്‍ ഡോ. തോട്ടം ശിവകരന്‍ നമ്പൂതിരി അധ്യക്ഷനായും സൗദി മീഡിയപ്രവര്‍ത്തകനും അനലിസ്റ്റുമായ എസ്. സനില്‍കുമാര്‍, രാജാ ശ്രീകുമാര്‍വര്‍മ, രാജു ആനിക്കാട്, സഞ്ജീവ് വി.പി. നമ്പൂതിരി എന്നിവരടങ്ങിയ ജഡ്ജിങ്​ കമ്മിറ്റിയാണ് വി.എന്‍. വാസവനെ പുരസ്കാരത്തിന്​ തെരഞ്ഞെടുത്തത്.