ബൈക്കിലെത്തിയ അക്രമിസംഘം ഭീകരാന്തരീക്ഷം സൃഷ്ടിച്ചു

വെച്ചൂർ: ബൈക്കിലെത്തിയ അക്രമിസംഘം നാട്ടുകാരെ അസഭ്യം പറഞ്ഞ് ഭീഷണി ഉയർത്തിയതായി പരാതി. വെച്ചൂർ മാമ്പറ ക്ഷേത്രത്തിന്​ സമീപമാണ് ഞായറാഴ്ച വൈകീട്ട്​ ബൈക്കിലെത്തിയ ആറംഗസംഘം ഭീകരാന്തരീക്ഷം സൃഷ്ടിച്ചത്. മുൻ വൈരാഗ്യത്തി‍ൻെറ പേരിൽ മറ്റൊരാളെ തിരഞ്ഞെത്തിയ ക്രിമിനൽ സംഘമാണിതെന്ന് നാട്ടുകാർ ആരോപിച്ചു. ഇവർ മറ്റേതോ സ്ഥലത്തുനിന്ന്​ വന്നവരാണെന്നും ഇതിൽ പലരും ലഹരി ഉപയോഗിച്ച് ബോധമില്ലാത്ത അവസ്ഥയിലായിരുന്നെന്നും നാട്ടുകാർ പറയുന്നു. ക്രിമിനൽസംഘങ്ങൾക്കെതിരെ നടപടി ശക്തമാക്കണമെന്ന് നാട്ടുകാർ ആവശ്യപ്പെട്ടു.