അപകട ഭീഷണിയായി പാതയോരത്തെ ഉണക്കമരം

മുണ്ടക്കയം: മുണ്ടക്കയം-എരുമേലി സംസ്ഥാനപാതയിൽ വരിക്കാനി കവലക്ക് സമീപം പാതയോരത്ത് നിൽക്കുന്ന ഉണങ്ങിയ മരം അപകടഭീഷണിയാകുന്നു. മരം ഏതുനിമിഷവും നിലംപൊത്താവുന്ന അവസ്ഥയിലാണ്. വരിക്കാനി കവലക്ക് സമീപം പഴയ എരുമേലി വടക്ക് വില്ലേജ് ഓഫിസ് കെട്ടിടമുറ്റത്ത്​ ഉണങ്ങിനിൽക്കുന്ന അരയാഞ്ഞിലിയാണ് വാഹനയാത്രക്കാർക്കും സമീപവാസികൾക്കും വ്യാപരികൾക്കും ഒരുപോലെ ഭീഷണിയായിരിക്കുന്നത്. ആഴ്ചകൾക്ക് മുമ്പ്​ ഉണങ്ങിയ മരത്തിന്‍റെ ഒരുശിഖരം എരുമേലി മുണ്ടക്കയം പാതയിലേക്ക് വീണിരുന്നു. ഈ സമയം അതുവഴി കടന്നുവന്ന കാർയാത്രികർ നിമിഷങ്ങളുടെ വ്യത്യാസത്തിലാണ് ശിഖരം വാഹനത്തിന് മുകളിൽ വീഴുന്നതിൽനിന്ന്​ രക്ഷപ്പെട്ടത്. എരുമേലി വടക്ക് വില്ലേജ് ഓഫിസ് കെട്ടിടം പുതിയ കെട്ടിടത്തിലേക്ക് മാറിയതോടെ പഴയ കെട്ടിടസ്ഥലത്ത് നിൽക്കുന്ന ഈ ഉണങ്ങിയ മരം വെട്ടിമാറ്റാൻ അധികാരികൾ തയാറാകുന്നില്ല. ഉണക്കമരം വെട്ടിമാറ്റണമെന്നാവശ്യം ശക്തമാണ്. KTL WBL Uningiya maram