ശബരിമലയിൽ വിഷുക്കണി ദർശിച്ച് ഭക്തർ

ശബരിമല: . വ്യാഴാഴ്ച രാത്രിയിൽതന്നെ മേൽശാന്തി എൻ. പരമേശ്വരൻ നമ്പൂതിരിയുടെ കാർമികത്വത്തിൽ ശ്രീകോവിലിനുള്ളിൽ വിഷുക്കണി ഒരുക്കിവെച്ചിരുന്നു. ഓട്ടുരുളിയിൽ കണിക്കൊന്നപ്പൂക്കളും വെള്ളരിയും ഫലങ്ങളും നിറച്ച് ഭഗവാന് മുന്നിൽ സമർപ്പിച്ചു. വിഷുപ്പുലരിയിൽ പുലർച്ച നാലിന് നട തുറന്ന് നെയ്​വിളക്ക് തെളിച്ച് ഭഗവാനെ കണികാണിച്ചു. ഇതിനുശേഷമാണ് ഭക്തർക്ക് കണിദർശനം അനുവദിച്ചത്. ഭക്തർക്ക് തന്ത്രി കണ്ഠരര് മഹേശ്വര് മോഹനർ, മേൽശാന്തി എൻ. പരമേശ്വരൻ നമ്പൂതിരി എന്നിവർ വിഷുക്കൈനീട്ടം നൽകി. ഏഴുമണിവരെ കണിദർശനമുണ്ടായിരുന്നു. ദേവസ്വം ബോർഡ്​ പ്രസിഡന്‍റ്​ അഡ്വ. കെ. അനന്തഗോപനും വിഷുപ്പുലരിയിൽ ദർശനത്തിന്​ എത്തിയിരുന്നു. പ്രത്യേക പൂജകളായ കളഭാഭിഷേകം, പടിപൂജ എന്നിവയും നടന്നു. പൂജകൾ പൂർത്തിയാക്കി 18നാണ് നട അടക്കുന്നത്. ചിത്രം PTG 21 KAI NEETTAM ശബരിമല അയ്യപ്പസന്നിധിയിൽ വിഷുക്കണി ദർശനത്തിനെത്തിയ അയ്യപ്പഭക്തർക്ക് തന്ത്രി കണ്ഠരര് മഹേഷ് മോഹനർ കൈനീട്ടം നൽകുന്നു