പത്താമുദയ ഉത്സവം ഇന്നുമുതൽ

പൊൻകുന്നം: ചിറക്കടവ് മണക്കാട്ട് ഭദ്രാക്ഷേത്രത്തിലെ പത്താമുദയ ഉത്സവം വ്യാഴാഴ്ച തുടങ്ങും. രാവിലെ അഷ്ടദ്രവ്യ ഗണപതിഹോമം, എണ്ണക്കുടം അഭിഷേകം, വൈകീട്ട് ചിറപ്പ്, ചുറ്റുവിളക്ക് എന്നിവ നടക്കും. 23ന് പത്താമുദയനാളിൽ രാവിലെ 8.30ന് പൊങ്കാല. തന്ത്രിമാരായ താമരക്കാട് ഇല്ലം സന്തോഷ് നമ്പൂതിരിപ്പാട്, ചെങ്ങഴശ്ശേരി ഇല്ലം സുരേഷ് നമ്പൂതിരി എന്നിവർ പൊങ്കാല അടുപ്പിൽ അഗ്നിപകരും.