അപേക്ഷ ക്ഷണിച്ചു

കോട്ടയം: ഉന്നത വിദ്യാഭ്യാസ വകുപ്പിന് കീഴിലെ അസാപ് കേരള നടത്തുന്ന ലാബ് കെമിസ്റ്റ്, ഫിറ്റ്നസ് ട്രെയിനർ, ബിസിനസ് അനലിറ്റിക്സ്, പൈത്തൺ കോഴ്സ്, ജി.എസ്​.ടി വിത്ത് ടാലി തുടങ്ങിയ നൈപുണ്യ കോഴ്സുകളിലേക്കും ഒന്നാംവർഷ ബി.ടെക് വിദ്യാർഥികൾക്ക് കോഡിങ്​ കോഴ്സിലും പ്രവേശനം ആരംഭിച്ചു. ഫോൺ: 9495999653/680/631. സമയനിയന്ത്രണത്തിൽനിന്ന് 13 ടിപ്പർ ലോറികളെ ഒഴിവാക്കി കോട്ടയം: ഏറ്റുമാനൂർ-ചിങ്ങവനം റെയിൽപാത ഇരട്ടിപ്പിക്കൽ ഉടൻ പൂർത്തിയാക്കേണ്ട സാഹചര്യത്തിൽ ഇതുമായി ബന്ധപ്പെട്ട ജോലികൾക്ക് ആവശ്യമായ ബാലസ്റ്റ് എത്തിക്കുന്നതിന് റെയിൽവേക്ക്​ അനുവദിച്ച 13 ടിപ്പർ ലോറികളെ ഗതാഗത സമയനിയന്ത്രണത്തിൽനിന്ന് ഒഴിവാക്കിയതായി കലക്ടർ അറിയിച്ചു. ഉത്തരവ് വാഹനത്തിൽ പതിപ്പിക്കണമെന്നും സ്‌കൂൾ സമയത്ത് പരമാവധി വേഗത കുറച്ച് ഗതാഗതം നടത്തണമെന്നും ഉത്തരവിൽ പറയുന്നു. പി.എസ്.സി പ്രായോഗിക പരീക്ഷ 20ന് കോട്ടയം: വിവിധ വകുപ്പുകളിൽ ഡ്രൈവർ-കം ഓഫിസ് അറ്റൻഡന്‍റ്​ (എസ്.സി/ എസ്.ടി സ്പെഷൽ റിക്രൂട്ട്മെന്‍റ്​-കാറ്റഗറി നമ്പർ 074/2020) തസ്തികയുടെ ചുരുക്കപ്പട്ടികയിൽ ഉൾപ്പെട്ട ഉദ്യോഗാർഥികളുടെ പ്രായോഗിക പരീക്ഷ ഈ മാസം 20ന് രാവിലെ ആറിന് എറണാകുളം കളമശ്ശേരി എ.ആർ പൊലീസ് പരേഡ് ഗ്രൗണ്ടിൽ നടത്തും. ഇതുസംബന്ധിച്ച അറിയിപ്പ് ഒ.ടി.ആർ പ്രൊഫൈൽ, എസ്.എം.എസ് മുഖേന നൽകിയിട്ടുണ്ട്. പ്രൊഫൈലിൽനിന്ന് ഡൗൺലോഡ് ചെയ്ത അഡ്മിഷൻ ടിക്കറ്റ്, ഡ്രൈവിങ്​ ലൈസൻസ്, ഡ്രൈവിങ്​ ലൈസൻസ് പർട്ടികുലേഴ്​സ്, മെഡിക്കൽ സർട്ടിഫിക്കറ്റ്, ഫിറ്റ്നസ് സർട്ടിഫിക്കറ്റ് എന്നിവ സഹിതം ഹാജരാകണം. 16നകം അറിയിപ്പ് ലഭിക്കാത്തവർ ജില്ല പി.എസ്.സി ഓഫിസുമായി ബന്ധപ്പെടണം. ഫോൺ: 0481 2578278.