മഴയിൽ ഒഴുകി റോഡ്

പെരുവ: പതിനഞ്ച് ദിവസം മുമ്പ്​ ടാർ ചെയ്ത റോഡ് ഒറ്റമഴയിൽ ഒഴുകിപ്പോയി. മുളക്കുളം പഞ്ചായത്ത് ഓഫിസിന് മുൻവശം പെരുവ ടാക്സി സ്റ്റാൻഡ് - പഞ്ചായത്ത്പടി ബൈപാസ് റോഡാണ് ബുധനാഴ്ച പെയ്ത മഴയിൽ ഇളകിപ്പോയത്. പഞ്ചായത്ത് ഫണ്ടിൽനിന്ന്​ അഞ്ച്​ ലക്ഷം രൂപ ചെലവഴിച്ചാണ് 250 മീറ്റർ ദൂരത്തിൽ റോഡ് ടാർ ചെയ്തത്. പത്ത് വർഷം മുമ്പ്​ ചെയ്ത ടാറിങിന് മുകളിലൂടെ ചെയ്ത റീടാറിങാണ് പൊളിഞ്ഞത്. കൈകൊണ്ട് ഇളക്കിയാൽ പൊളിഞ്ഞ് പോകുന്ന ടാറിങ്ങിൽ വൻ അഴിമതിയുണ്ടെന്ന് നാട്ടുകാർ പറയുന്നു. വിജിലൻസിന് പരാതി നൽകുമെന്നും നാട്ടുകാർ പറഞ്ഞു.