കെ.എം. മാണി സ്മൃതി സംഗമം ഇന്ന്​

കോട്ടയം: കേരള കോണ്‍ഗ്രസ് (എം) നേതാവും മുന്‍മന്ത്രിയുമായ കെ.എം. മാണിയുടെ മൂന്നാം ചരമവാര്‍ഷികത്തോടനുബന്ധിച്ച് ശനിയാഴ്ച കെ.എം. മാണി സ്മൃതി സംഗമം നടക്കും. കോട്ടയം തിരുനക്കര മൈതാനത്ത് ഉപവാസവും പുഷ്പാർച്ചനയും നടക്കും. രാവിലെ ഒമ്പതിന്​ മാണിയുടെ ചിത്രത്തിൽ പാർട്ടി ചെയർമാൻ ജോസ് കെ. മാണി എം.പി പുഷ്പാർച്ചന നടത്തുന്നതോടെ സ്മൃതി സംഗമത്തിന്​ തുടക്കമാകും. മാണിയുടെ സ്മരണ നിലനിർത്താൻ എല്ലാ ജില്ലയിലും കാരുണ്യ ഭവനം നിർമിക്കാനും തീരുമാനിച്ചിട്ടുണ്ട്​. കോട്ടയം: കേരള കോൺഗ്രസിന്‍റെ നേതൃത്വത്തിലും കെ.എം. മാണിയുടെ ഓർമദിനാചരണം നടത്തും. ശനിയാഴ്ച രാവിലെ 9.30ന്​ കേരള കോൺഗ്രസ് ചെയർമാൻ പി.ജെ. ജോസഫിന്‍റെ നേതൃത്വത്തിൽ മാണിയുടെ കബറിങ്കൽ പുഷ്പചക്രം സമർപ്പിക്കും. ജില്ലയിൽ ശനിയാഴ്ച അധ്വാന വർഗ ദിനമായി ആചരിക്കുമെന്നും ജില്ല പ്രസിഡന്‍റ്​ സജി മഞ്ഞക്കടമ്പിൽ അറിയിച്ചു.