പദ്ധതി വിഹിതം ചെലവഴിച്ച് നെടുംകുന്നം

നെടുംകുന്നം: 100 ശതമാനം പഞ്ചായത്ത്. 2021-22 സാമ്പത്തികവര്‍ഷം പൊതുവിഭാഗത്തില്‍ 1.23 കോടി രൂപയും പട്ടികജാതി വികസന ഫണ്ട് 50.95 ലക്ഷം രൂപയും ധനകാര്യ കമീഷന്‍ 73.23 ലക്ഷം രൂപയുമാണ് ചെലവഴിച്ചത്. റോഡ് വികസനത്തിന്​ 83 ലക്ഷം രൂപയും റോഡ് ഇതര ഫണ്ടായി 38.64 ലക്ഷം രൂപയും ചെലഴിച്ചാണ് നേട്ടം കൈവരിച്ചതെന്ന് പഞ്ചായത്ത് പ്രസിഡന്‍റ്​ ബീന നൗഷാദ് അറിയിച്ചു. കാര്‍ഷിക മേഖലയിലും വനിത ശിശുക്ഷേമം, ആരോഗ്യം, ക്ഷീരവികസനം, വിദ്യാഭ്യാസം തുടങ്ങി സമഗ്രമേഖലകളിലും ഫണ്ട് വിനിയോഗിച്ചു. ലൈഫ് മിഷനടക്കം പദ്ധതികളിലും 100 ശതമാനം പൂര്‍ത്തിയാക്കാനായതായി സെക്രട്ടറി ടി.സജിത്ത്, വൈസ് പ്രസിഡന്‍റ്​ രവി സോമന്‍ എന്നിവര്‍ പറഞ്ഞു.