കാറ്റിൽ വീടുകൾക്ക് നാശം: വ്യാപക കൃഷിനാശവും

പൊൻകുന്നം: കനത്തമഴയിലും കാറ്റിലും പനമറ്റം, ഒന്നാം മൈൽ, മാന്തറ മേഖലകളിൽ വ്യാപക നാശനഷ്ടം. പലയിടത്തും വൻമരങ്ങൾ വീടുകൾക്കും വൈദ്യുതി ലൈനുകൾക്കും റോഡിലേക്കും ഉൾപ്പെടെ വീണു. പനമറ്റം ചിറ്റേട്ട് അനിൽകുമാറിന്റെ വീടിനു മുകളിൽ പുരയിടത്തിൽ നിന്ന ആഞ്ഞിലി മറിഞ്ഞുവീണു. വീടിന് പിൻവശത്തെ രണ്ട്​ മുറികളുടെ മേൽക്കൂര ഉൾപ്പെടെ പൂർണമായി തകർന്നു. ഇവരുടെ പുരയിടത്തിലെ നാല്​ ആഞ്ഞിലി, ജാതി ഉൾപ്പെടെ കൃഷികളും നശിച്ചു. കുട്ടികൾ മാത്രമാണ് വീട്ടിൽ ഉണ്ടായിരുന്നത്. അപകടസമയത്ത് ഇവർ മറ്റൊരു മുറിയിലേക്ക് മാറിയതിനാൽ വൻദുരന്തം ഒഴിവായി. വീട്ടുപകരണങ്ങളും നശിച്ചു. -------- KTL VZR 4 House Thakarnnu ചിത്രവിവരണം മരംവീണ് പനമറ്റം ചിറ്റേട്ട് അനിൽകുമാറിന്റെ വീടിന്റെ മേൽക്കൂര തകർന്നപ്പോൾ