ഇന്ധന വിലവർധനയിൽ പ്രതിഷേധം

വാഴൂർ: പെട്രോൾ-ഡീസൽ വിലവർധനയിലും വാഹനങ്ങളുടെ റീടെസ്റ്റ് ഫീസ് 400 രൂപയിൽനിന്ന് 5000മായി വർധിപ്പിച്ച കേന്ദ്രസർക്കാറിന്‍റെ നടപടിക്കെതിരെയും ഓട്ടോ-ടാക്സി തൊഴിലാളി യൂനിയൻ (സി.ഐ.ടി.യു) നേതൃത്വത്തിൽ പ്രതിഷേധം സംഘടിപ്പിച്ചു. വാഴൂർ പഞ്ചായത്ത് കമ്മിറ്റി നേതൃത്വത്തിൽ ഓട്ടോറിക്ഷ കെട്ടിവലിച്ചാണ് കൊടുങ്ങൂർ പോസ്റ്റ്​ ഓഫിസിലേക്ക് മാർച്ച് സംഘടിപ്പിച്ചത്​. തുടർന്ന് നടന്ന ധർണ സി.പി.എം വാഴൂർ ലോക്കൽ സെക്രട്ടറി റംഷാദ് റഹ്​മാൻ ഉദ്ഘാടനം ചെയ്തു. യൂനിയൻ ഭാരവാഹികളായ ജിനുരാജ്, മനോജ് കുമാർ, സനൽ ബേബി എന്നിവർ സംസാരിച്ചു.