സംഘർഷത്തിൽ യുവാവിന്‍റെ മരണം: രണ്ടുപേർകൂടി അറസ്റ്റിൽ

കോട്ടയം: ഞാലിയാംകുഴിയിലെ ബാറിലുണ്ടായ സംഘർഷത്തിൽ യുവാവ്​ മരണപ്പെട്ട സംഭവത്തിൽ രണ്ടുപേർ കൂടി അറസ്റ്റിലായി. ഇവരെ ഇന്ന്​ കോടതിയിൽ ഹാജരാക്കും. വാകത്താനം പനച്ചിമൂട്ടിൽ ജോയൽ (24), തൃക്കോതമംഗലം കളരിക്കൽ അഭിലാഷ് (23) എന്നിവരെയാണ്​ വാകത്താനം പൊലീസ് ബുധനാഴ്ച അറസ്റ്റ് ചെയ്തത്. സംഭവവുമായി ബന്ധപ്പെട്ട് തൃക്കോതമംഗലം കളരിക്കൽ അഭിജിത് (26), പറയകുളം അനൂപ് (24) എന്നിവരെ കഴിഞ്ഞദിവസം പിടികൂടി റിമാൻഡ് ചെയ്തിരുന്നു. ഞായറാഴ്ച രാത്രി ഞാലിയാംകുഴിയിലെ ബാറിലുണ്ടായ സംഘർഷത്തിൽ പാത്താമുട്ടം സെന്‍റ്​ ഗിറ്റ്‌സ് കോളജിലെ ഇലക്ട്രീഷ്യനായ പാത്താമുട്ടം കുഴിയാത്ത് ജിനു വർഗീസാണ്​ (40) കൊല്ല​പ്പെട്ടത്​.