ചങ്ങനാശ്ശേരി ബോട്ട്ജെട്ടിയിലെ പോള നീക്കാൻ നടപടി

ചങ്ങനാശ്ശേരി: ചങ്ങനാശ്ശേരി ജെട്ടിയിലും ബോട്ട് കനാലിലും നിറഞ്ഞ പോളയും മറ്റു മാലിന്യവും നീക്കാൻ നടപടി. ഇതിനായി ജലസേചന വകുപ്പിൽനിന്ന് ഏഴു ലക്ഷത്തിന്‍റെ ഭരണാനുമതി ലഭിച്ചതായി അഡ്വ. ജോബ് മൈക്കിൾ എം.എൽ.എ അറിയിച്ചു. ഒരുവർഷത്തേക്കാകും കരാർ. ബോട്ട്​ജെട്ടിയിൽനിന്ന് അരകിലോമീറ്ററോളം വരുന്ന ഭാഗമാണ് പദ്ധതിയിൽ ഉൾപ്പെടുത്തിയിരിക്കുന്നത്. എം.എൽ.എ, ഇറിഗേഷൻ ഡിപ്പാർട്മെന്‍റ്​ ഉദ്യോഗസ്ഥർ, വാട്ടർ ട്രാൻസ്‌പോർട്ട്​ ഉദ്യോഗസ്ഥർ എന്നിവർ സ്ഥലം സന്ദർശിച്ചു. ജോജു സി. കുര്യൻ, ഇറിഗേഷൻ അസി.എൻജിനീയർ അൻവർഷാ എന്നിവരും ഒപ്പമുണ്ടായിരുന്നു KTL CHR 2 boat jetty അഡ്വ.ജോബ് മൈക്കിൾ എം.എൽ.എ ബോട്ട് ജെട്ടിയിൽ