പൊലീസ് അതിക്രമത്തിനെതിരെ പരാതി

ചങ്ങനാശ്ശേരി: മാടപ്പള്ളി റീത്തുപള്ളി ജങ്​ഷനില്‍ കഴിഞ്ഞമാസം കെ-റെയില്‍ കല്ലിടുന്നതിനെതിരെ പ്രതിഷേധിച്ച സ്ത്രീകളടക്കമുള്ള നിരവധി ആളുകളെ റോഡിലൂടെ വലിച്ചിഴക്കുകയും ക്രൂരമായി മര്‍ദിക്കുകയും ചെയ്ത പൊലീസ് ഉദ്യോഗസ്ഥർക്കെതിരെ നടപടി സ്വീകരിക്കണമെന്നാവശ്യപ്പെട്ട്​ ജില്ല പൊലീസ്​ മേധാവിക്ക്​ സമരസമിതി ജില്ല ചെയര്‍മാന്‍ ബാബു കുട്ടന്‍ചിറ, പൊലീസ് പീഡനങ്ങള്‍ക്ക് വിധേയയായ റോസ്‌ലിന്‍ ഫിലിപ് എന്നിവര്‍ പരാതി നല്‍കി. രാഷ്ട്രപതി, പ്രധാനമന്ത്രി, ഗവര്‍ണര്‍, ഡി.ജി.പി, മനുഷ്യാവകാശ കമീഷന്‍ എന്നിവര്‍ക്കും പരാതി നല്‍കുമെന്നും സമരസമിതി ചെയര്‍മാന്‍ ബാബു കുട്ടന്‍ചിറ അറിയിച്ചു.