വനിതകള്‍ക്ക് പരിശീലനം

കോട്ടയം: അനെര്‍ട്ടും കേരള അക്കാദമി ഓഫ് സ്‌കില്‍ എക്‌സലന്‍സും ചേർന്ന് വനിതകള്‍ക്ക് മാത്രമായി സൗരോർജ മേഖലയിൽ നാലുദിവസത്തെ പരിശീലന പരിപാടി സംഘടിപ്പിക്കും. ഐ.ടി.ഐ യോഗ്യതയുള്ള ബി.പി.എല്‍ കാര്‍ഡ് ഉടമകള്‍, കോവിഡ് /പ്രളയം മൂലം തൊഴില്‍ നഷ്ടപ്പെട്ടവര്‍, ഏക രക്ഷാകര്‍തൃസംരക്ഷക, ഭിന്നശേഷിക്കാരായ മക്കൾ ഉള്ളവർ, വിധവകൾ, വിവാഹബന്ധം വേര്‍പെടുത്തിയവര്‍, ഒരുമകൾ മാത്രമുള്ളവർ എന്നീ വിഭാഗത്തിലുള്ളവർക്കാണ് അവസരം. www.anert.gov.in എന്ന വൈബ്‌സൈറ്റിലെ ലിങ്ക് വഴി ഏപ്രില്‍ 15നകം അപേക്ഷ നൽകണം. ഫോണ്‍: 9188119431, 18004251803, 9188119405. കെൽട്രോൺ കോഴ്സുകൾ കോട്ടയം: കെൽട്രോൺ വഴുതക്കാട് നോളജ് സെന്‍ററിൽ നടത്തുന്ന തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. ഡിപ്ലോമ ഇൻ ഇന്ത്യൻ ആൻഡ്​ ഫോറിൻ അക്കൗണ്ടിങ്​, ഡിപ്ലോമ ഇൻ ലോജിസ്റ്റിക്സ് ആൻഡ്​ സപ്ലൈ ചെയിൻ മാനേജ്മെന്‍റ്​, വെബ് ഡിസൈൻ ആൻഡ്​ ഡവലപ്മെന്‍റ്​സ്​, ജാവ, ഐ.ഒ.ടി, പൈത്തൺ, മെഷീൻ ലേർണിങ്​ എന്നിവയാണ് കോഴ്സുകൾ. പ്ലസ്ടു, ഡിപ്ലോമ, ബി.ടെക് യോഗ്യതയുള്ളവർ 20നകം അപേക്ഷിക്കണം. പ്രായപരിധി ഇല്ല. ksg.keltron.in എന്ന വെബ്സൈറ്റിൽ അപേക്ഷ ഫോറം ലഭ്യമാണ്. ഫോൺ: 8590605260. നവോദയ പ്രവേശന പരീക്ഷ ഒമ്പതിന് കോട്ടയം: ജവഹർ നവോദയ വിദ്യാലയത്തിൽ ഒമ്പതാംക്ലാസ് പ്രവേശന പരീക്ഷ ഒമ്പതിന് രാവിലെ 11.15 മുതൽ ഉച്ചകഴിഞ്ഞ് രണ്ടുവരെ വടവാതൂർ ജവഹർ നവോദയ വിദ്യാലയത്തിൽ നടക്കും. അപേക്ഷ നൽകിയിട്ടുള്ള വിദ്യാർഥികൾ രാവിലെ 10.30ന് ഹാജരാകണമെന്ന് പ്രിൻസിപ്പൽ അറിയിച്ചു.