അടിയാളരുടെ ജീവിതമാടി നാടോടിനൃത്തവേദി

പത്തനംതിട്ട: പാണന്‍റെയും പാക്കനാരുടെയും കുറവന്‍റെയും മുറുക്കുകച്ചവടക്കാരിയുടെയും വർണവ​സ്​​ത്ര​ങ്ങ​ള​ണി​ഞ്ഞ്​ നാടോടിനൃത്തവേദിയിൽ മത്സരാർഥികൾ നിറഞ്ഞാടി. പ്രധാനവേദിയായ ജില്ല സ്‌റ്റേഡിയത്തിൽ രാവിലെ പത്തിന് തുടങ്ങിയ നാടോടിനൃത്തം സിംഗിൾ ഇനങ്ങളിലെ മത്സരം രാത്രി വൈകിയും നീണ്ടു. നാ​ടോ​ടി​വേഷമണിഞ്ഞ വിദ്യാർഥികൾ മു​ളംകൊട്ട​ക​ളും ഓ​ല​ക്കു​ട​ക​ളും പ​ക്ഷി​ക്കൂ​ടു​ക​ളു​മാ​യി വേ​ദി​യി​ൽ കാ​ഴ്​​ച​യു​ടെ വി​സ്​​മ​യ​ച്ചെ​പ്പ് തു​റ​ന്നു. പെ​ൺ​കു​ട്ടി​ക​ളും അ​വ​രെ വെ​ല്ലു​ന്ന മെ​യ്‌​വ​ഴ​ക്ക​വും ച​ടു​ല​താ​ള​ങ്ങ​ളു​മാ​യി ആ​ൺ​കു​ട്ടി​ക​ളും നിറഞ്ഞാടി. ചൂ​ഷ​ണ​ത്തി​നും അ​ടി​ച്ച​മ​ർ​ത്ത​ലി​നും വി​ധേ​യ​രാ​വു​ന്ന കീ​ഴാ​ള​രും അ​വ​രു​ടെ ചെ​റു​ത്തു​നി​ൽ​പും ആ​യി​രു​ന്നു പ്രധാന വിഷയങ്ങൾ. ആദിവാസികളുടയും പാടത്തുപണിയെടുക്കുന്ന കർഷകത്തൊഴിലാളികളുടെയും നൊമ്പരങ്ങളും ഫ്യൂഡൽ വ്യവസ്ഥിതിയിലെ അടിമ-ഉടമ ബന്ധവും മിക്കവരും പ്രമേയങ്ങളാക്കി. മിക്കവരും പ്രകടനകളിൽ കാർഷിക സമൂഹത്തിന്റെ ജീവിതരീതികളെയും വിശ്വാസങ്ങളെയും പ്രതിഫലിപ്പിക്കുന്നതിനാണ്​ ഊന്നൽ നൽകിയത്​. തൊഴിൽ സംസ്കാരത്തിൽ വികസിച്ച കാഴചപ്പാടുകൾ, ഫാന്റസികൾ, ചിന്തകൾ, വികാരങ്ങൾ, അനുഭവങ്ങൾ, ചൂഷണത്തിനും അടിച്ചമർത്തലിനും എതിരായ പ്രതിഷേധങ്ങൾ എന്നിവ പല മത്സരാർഥികളും മനോഹരമായി വേദിയിൽ അവതരിപ്പിച്ചു കൈയടി നേടി.