മദ്യനയം ആശങ്കജനകം -ജമാഅത്ത് കൗൺസിൽ

കോട്ടയം: പുതിയ മദ്യനയം ആപത്​കരമായ അവസ്ഥയിലേക്ക്​ കേരളത്തെ കൊണ്ടെത്തിക്കുമെന്നും അത് പുനഃപരിശോധിക്കാൻ തയാറാകണമെന്നും കേരള മുസ്​ലിം ജമാഅത്ത് കൗൺസിൽ ജില്ല സെക്രട്ടേറിയറ്റ് യോഗം ആവശ്യപ്പെട്ടു. മേഖലകൾ കേന്ദ്രീകരിച്ച് ലഹരിവിരുദ്ധ കാമ്പയിൻ സംഘടിപ്പിക്കാൻ തീരുമാനിച്ചു. സംസ്ഥാന ജനറൽ സെക്രട്ടറി എം.എച്ച്. ഷാജി ഉദ്ഘാടനം ചെയ്തു. ജില്ല പ്രസിഡന്‍റ്​ എം.ബി. അമീൻഷാ അധ്യക്ഷതവഹിച്ചു. നന്തിയോട് ബഷീർ, വി.ഒ. അബുസാലി, തമ്പിക്കുട്ടി പാറത്തോട്, ടിപ്പു മൗലാനാ, ടി.സി. ഷാജി, എൻ.എ. ഹബീബ്, സമീർ മൗലാനാ, സുബിൻ മുഹമ്മദ് തുടങ്ങിയവർ സംസാരിച്ചു.