'സർക്കാറിന്‍റെ പുതിയ മദ്യനയം അധാർമികം'

കോട്ടയം: കേരളത്തിൽ എവിടെയും മദ്യം സുലഭമാക്കാനുള്ള എൽ.ഡി.എഫ് സർക്കാറിന്‍റെ നീക്കം പുതിയ തലമുറയെയും കേരള സംസ്ക്കാരത്തെയും അധാർമികതയിലേക്ക് നയിക്കുമെന്നതിനാൽ തീരുമാനം പിൻവലിക്കണമെന്ന് മഹാത്മാഗാന്ധി സേവാ സൊസൈറ്റി ആവശ്യപ്പെട്ടു. സെസൈറ്റി പ്രസിഡന്‍റ്​ ടി.എസ്. സലിം അധ്യക്ഷതവഹിച്ചു. ഭാരവാഹികളായ ഡോ. മണക്കാല ഗോപാലകൃഷ്ണൻ, ടി.വി. ജയമോഹൻ, ഡോ. ആർ. ശ്രീദേവി, സാംജീ സാമുവൽ, ബി. രാധാകൃഷ്ണൻ, അഭിലാഷ് ചന്ദ്രൻ എന്നിവർ സംസാരിച്ചു.