വൈകിയും കാഴ്ചക്കാരില്ലാതെയും ഭരതനാട്യ വേദി

പത്തനംതിട്ട: ഏറെ വൈകിയും കാണികളില്ലാതെയും ഭരതനാട്യം വേദി. കലോത്സവത്തിന്‍റെ രണ്ടാം ദിവസമായ ശനിയാഴ്ച നെടുമുടി വേണു നഗറിൽ (റോയൽ ഓഡിറ്റോറിയം) രാവിലെ ഒമ്പതിന്​ ആരംഭിക്കേണ്ടിയിരുന്ന ആൺകുട്ടികളുടെ മത്സരമാണ് പതിനൊന്നര വരെ നീണ്ടത്. അതിനാൽ 16​ മത്സരാർഥികൾ മാറ്റുരച്ച മത്സരം ഉച്ചഭക്ഷണ സമയം കഴിഞ്ഞും ഏറെ വൈകിയാണ് അവസാനിപ്പിക്കാനായത്. കനത്ത ചൂടും മത്സരങ്ങളുടെ ഇടവേളകൾ നീണ്ടുപോയതും താരതമ്യേന കാഴ്ചക്കാർ ഏറെ ഉണ്ടാകാറുള്ള ഭരതനാട്യ മത്സരത്തിൽ കാഴ്ചക്കാരുടെ സാന്നിധ്യം കുറയാൻ കാരണമായി. ഉച്ചക്കുശേഷം രണ്ടിന്​ ആരംഭിക്കേണ്ടിയിരുന്ന ട്രാൻസ്ജെൻഡർ വിഭാഗം ഭരതനാട്യവും ഒന്നര മണിക്കൂറിലധികം വൈകിയാണ് ആരംഭിച്ചത്. Photo ... രണ്ടാം നമ്പർ വേദിയിൽ മത്സരം വൈകിയപ്പോൾ മൊബൈലിൽ ശ്രദ്ധിച്ചിരിക്കുന്ന വിദ്യാർഥികൾ