കൊഴുപ്പേകി അർജുന നൃത്തം

പത്തനംതിട്ട: ഇത്തവണ കലോത്സവത്തിന് കൊഴുപ്പേകി അർജുന നൃത്തവുമുണ്ട്. കോട്ടയം ജില്ലയിലെ കുറിച്ചി അർജുന നൃത്തകലാലയ സമിതിയാണ് കലോത്സവ ഘോഷയാത്രയിൽ അർജുന നൃത്തം അവതരിപ്പിച്ചത്. പാണ്ഡവ മാതാവായ കുന്തിദേവിയുടെ കഷ്ടകാലം മാറുന്നതിന്​ ഭദ്രകാളിക്ക് സമർപ്പിക്കുന്ന വഴിപാടായാണ് അർജുന നൃത്തത്തെ കാണുന്നത്. കുറിച്ചി നടേശനും സംഘവുമാണ് കലാരൂപം അവതരിപ്പിച്ചത്. എം.ജി. സജികുമാർ, പി.സി. സുരേഷ്, സന്തോഷ്‌, മണിയൻ, കുഞ്ഞുമോൻ എന്നിവരാണ് വേഷമിട്ടത്.