തൃശൂരിലെ പുലി പത്തനംതിട്ടയിൽ

കോന്നി: കലോത്സവത്തിന്‍റെ ഭാഗമായി നടന്ന ഘോഷയാത്രയിൽ തൃശൂരിലെ പുലികളി സംഘവും. പുലിവേഷധാരികൾ പത്തനംതിട്ടയുടെ വീഥികൾ കൈയടക്കിയപ്പോൾ കാണികൾക്കും കലാപ്രേമികൾക്കും ആവേശമായി. പുലികളിക്ക് പേരുകേട്ട തൃശൂരിൽനിന്നും പൂങ്കുന്നം ജയിംസും സംഘവുമാണ് പുലികളിക്കായി എത്തിയത്. രണ്ടുപേരാണ് പുലിവേഷമിട്ടത്​. കോവിഡ് പ്രതിസന്ധികൾക്ക്‌ ശേഷമുള്ള ഇവരുടെ മൂന്നാമത്തെ പരിപാടിയാണിത്. രണ്ട് വർഷം ആഫ്രിക്കയിലും പൂങ്കുന്നം ജയിംസും സംഘവും പുലികളി അവതരിപ്പിച്ചിരുന്നു. ജില്ലയിൽ ആദ്യമായാണ് പുലികളി സംഘം എത്തുന്നത്. മനോജ് പുളിവേലിൽ