കെ-റെയിൽ വിരുദ്ധ പ്രതിഷേധസദസ്സ്​ വെള്ളിയാഴ്ച

കോട്ടയം: കെ-റെയിലിന്‍റെ പേരിൽ അനധികൃതമായി ജനങ്ങളുടെ ഭൂമിയിൽ കടന്നുകയറി ഭീഷണിപ്പെടുത്തി കല്ലിട്ട് ജനങ്ങളെ പീഡിപ്പിക്കുന്ന പൊലീസ് നടപടി അവസാനിപ്പിക്കണമെന്ന് ആവശ്യപ്പെട്ടും കെ-റെയിൽ വിരുദ്ധസമരത്തിന് പിന്തുണ പ്രഖ്യാപിച്ചും യു.ഡി.എഫ് ജില്ല കമ്മിറ്റിയുടെ ജനകീയ പ്രതിഷേധ സദസ്സ്​ വെള്ളിയാഴ്ച വൈകീട്ട്​ നാലിന്​ പഴയ പൊലീസ് സ്റ്റേഷൻ മൈതാനത്ത് നടക്കും. പ്രതിപക്ഷ നേതാവ് വി.ഡി. സതീശൻ ഉദ്ഘാടനം ചെയ്യും. യു.ഡി.എഫ് ജില്ല ചെയർമാൻ സജി മഞ്ഞക്കടമ്പിൽ അധ്യക്ഷത വഹിക്കും.